US cu a buai chin lengmang cang, A thimi le zawtnak ngei mi an tam tuk cang. US ah um Chin mi ralrin tein um hna u si

Zahan suimilam 7: 15 ah Voice of America (VOA) nih atu US dirhmun a vun langter ning ah cun, a thimi hi minung 47 an si cang i, a zawtnak a ngeih mi hna hi minung 2179 an phan cang. US cozah nih emergency a phuan can caah ralrin tein um a herh ngai. State tampi ah minung 100 nak in le a cheu ah cun minung 50 nakin tam deuh um a khap cang caah cozah nawl ngaitein um i zuam ding a si

Thawngpang dang>>> Brazilian president Jair Bolsonaro cu tu lio zawtnak a ngei tiah vawleicung ah a thang cang. Amah ruangah President Trump tiang zong zawtnak a kai ve lai tiah lunghrinh a si. Nain nizan ah President Jair nih a chimmi cu, coronavirus zawtnak a ngei tiah an ka timi hi a dikmi a si lo. A tu hi ka damlonak kongah avoihnihnak an ka test mi result ka hngah lio a si. Zeihmanh nihin tinagah medical test ah thawngpang a um rih lomi asi tiah a ti. Brazilian president Jair Bolsonaro has denied reports that he has tested positive for coronavirus.He took to Twitterto confirm he is awaiting the results of a second test on Friday.

Brazil President kong hi press secretary Fabio Wajngarten nih Instagram ah a tialmi a si tiah theih a si. Tuthla May 7 ah khan President Jair le Donald Trump cu hmuhkhat te ah tonnak le rawl dumtinak an ngei. Jair hi zawtnak a ngei tak tak ko ah cun Trump caah thinphang ngai ngai a si hnga. Nain nihin tiangah cun President Jair zong covid-19 zawtnak a ngei timi medical report zeihmanh a fiang rih lo. Press secretary Fabio Wajngarten cu zawtnak a ngei tiah fiang tein theih a si cang.

President Trump hi Pathian aa bochanmi hruaitu pakhat a si ti fiang tein hmuh khawh asi. President nih zeiruangah dah Pathian sinah thla kan cam lai ti ah cun COVID-19 zawtnak in Americans mipi cu a kan kal tak khawhnak hnga caah a si. Thaizing Sunday March 15,2020 cu American mipi nih Pathian sinah thla kan cam hna lai. Pathian sinah umpi nak le runvennak, thawnnak thazaang kan hmuh than khawhnak lai kan umnak hmun cio in thla kan cam hna lai tiah US ramchung ah thawngthanhnak a tuah cang.

President Trump le thlacam>>>> President Trump nih hin minung fimnak cu zeihmanh santlaihnak a ngei ti lo ti fiang tein a hngalh cang. Coronavirus cu fawi tukin US nih cun tei khawh ding in an I ruah. Nain nihin tiangah sii an ser kho ti lo. Pathian lawng lawng hi a kan khamh khotu a si ti President nih aa fiang tuk. Cu caah ramchung ah Thlacamnak NI a phuan hi asi. Nihin tiangah zawtnak ruangah minung 40 an thi i minung 1701 nih zawtnak hrik an kai cang. Uar a um kho tak tak. President nih hin a tu lawng hi Pathian sinah thlacamnak NI timi a phuang lo. May 3, 2018 zong kha Rampi thlacamnak NI ah a rak phuang cang.

Cu lio ah President nih zeiruangah dah Pathian sinah thla kan cam lai timi cu hitihin a rak chim, Thlacamnak cu kannun lam a kan hruaitu, kan thazaang le fimnak hrampi a si. Thlacamnak nih cun hnangamnak, ruahchannak le daihnak a kan pek. Cu nih cun America minung ngakchia bikin upa bik tiang a kan huhphen. Cu caah kan ram nih hmailei ding tein a kal khawhnak hnga Bawipa hmai kawl ko hna u sih. Cu kan Pathian cu sifahnak, lungretheihnak le ral kutchungin luatnak a kan petu le a kan cawisang tu a si. Kan ram le miphun nih Pathian dawtnak, a vel le kan cungah a thatnak hi philh hrim hrim hlah u si.

Vawleicung ram hna lakah cungcuangin a kan cawisangtu kan biakmi Pathian cungah lunglawmhnak biachim dingin ramchung mipi kan dihlak thlacam hna u sih. May 3 cu National Day of Prayer hi upat hna u sihlaw, Zeitik caan poh ah America caah thlacam hna u sih. Donald Trump US President a si hnu in a tuahmi thil vialte lakah a tha bikmi cu America nih thluachuahnak a hmuhnak hnga ding caah Pathian sin thlacamnak le lawmhnak bia chimnak Ni a sermi hi a si.

Be the first to comment on "US cu a buai chin lengmang cang, A thimi le zawtnak ngei mi an tam tuk cang. US ah um Chin mi ralrin tein um hna u si"

Leave a comment

Your email address will not be published.


*