Vawleicung ram ropui bikmi le thawngbikmi ram cu thil man a kai tuk caah mipi heh tiah an zai thluamah cang i, Republican pawl cu chimlo, an mah Democrat pawl lilah zong nih Joe Biden santlaihlo tuk caah heh tiah an zai ve cang i, Joe Biden president a tuan hnuah US ram chungah thil a cangmi hna hi chim dingmi atam tuk cag,
President Joe Biden nih a phising khomi a um ti lo tiin heh tiah an lungrawk ning an aupi cang tiin
Newsmax nih a tial. Atu hi US ramchungah Gas man cu Ni 13 bak in pehzul tein a kai i,
atu hi $4.98, a si tiin AAA data nih a langter. GasBuddy nih a chim ning ahcun, a tu hi Gas man hi a tlangpi in $5.00 per gallon a si cang i Trump President a rak tuan lio nak in a lethnih bak in a kai cang tiin a chim. Mah lawng si lo in thawngpang chia ngaimi a um thanmi cu, Atu nak in akai chin lai tiah zum a si i, Labor Day hlan ah $6.00 per gallon a phan lai tiah zum a si,
JPMorgan commodities analyst nih an tuak ning ahcun California ah cun Gas man hi
a tlangpi in $6.00 cunglei a si cang tiin an langter. Joe Biden president a vun tuan bak in
US ram chungah Gas lei he pehtlaih in ria hna cu a doh thluamah i, Private nih Gas lei he pehtlaih in an rian tuanmi le public ram chngah Gas an lak tawn nak le Keystone pipeline hna cu a dawngter hna caah atu bantuk in US nih Gas lei ah harnak an tawnmi cu a si ti hi mi tampi le expert pawl zum ning acu a si. Natein Treasury Secretary Janet Yellen nih Joe Biden ruangah a si ti lei kap in Joe Biden cu soisel duh
loin coronavirus ruangah le Russia nih Ukraine a tuk ruangah a si ti lei kap tu in an thiamconak
ding caah chim caah mi tampi nih ceilak in an thuat i, lih lawngte chim hla tiin heh tiah
social media ah an phomh cang. Atu bantuk in US ram chungah Gas man a kaimi hna hi election hlan ah khan Trump nih a rak chim dih cang i, Joe biden nan thim i, president a tuan ahcun US ramchungah Gas man hi $7.00 per gallon a si te lai tiin arak chim cang. Trump nih a chim ning ahcun “Biden nan thim ahcun, $7, $8, $9 nan pek lai, nan zai sual maw a si ahcun,
Na motor kha hmang ti lo in um cang ko an ti te hna lai” tiah a rak chim cang. Cre-Breitbart
Kawlram thawngpang…SAC ralkap nih nawlngeihnak an laak hnu in May 31, 2022 tiang ah
inn 18,886 an khangh cang, tiah Data For Myanmar nih an thanh. Ramchung hmun 435 ah Biaknak lei inn telh in, inn 18,886 cu khanghpiak an tong cang. Cheukhat hmunhram ah cun pehtlaihnak a chambau ruangah, atu langhtermi cazin nakin a tak ah a tam deuh kho, tiah ruah a si. SAC ralkap nih inn an khangh tamnak bik
cu Sagaing ramṭhen ah a si i, May thla tiang ah inn 13,840 an khangh cang.
Magwe ramṭhen cu a pahnihnak a si i, inn 3155 an khangh cang. SAC ralkap nih nikum
May, 2021 khan inn khangh hram an thawk i, tukum May tiang ah inn 18,886 an khangh manh. Kan hnu thla May, 2022 thlakhat chung lawng ah inn 7146 an khangh i, Sagaing ramṭhen chung lawng ah inn 6014 an khangh, tiah Data for Myanmar nih an thanh.
==SAC Ralkap Le Dulay Party Ṭangṭi Hna Cu KIA Nih An Kah Hna I SAC Ralkap Lei 3 An Thi:
Kachin ramkulh Putao in Myitgyina lei ah a kalmi SAC ralkap le Dulay party ṭangrual hna cu
nihin June 10 zinglei ah Kachin Independence Army (KIA) nih an kah hna. Cu kahdohnak ah cun Dulay party in 3 an thi i, a dang cu an zaam hna tiah KIA ralkap he naihniam in ummi pakhat nih tualchung media ah a chim. Nawlngeihnak latu SAC ralkap le U Shwe Min hruai mi Lisu National Development Party(Dulay Party) hriamtlai phufonh cu
KIA brigade 1, no.10 battalion nih Maiṭhaung khua pawng ah KIA nih an kah hna tiah theih a si.
Kahdohnak ah Dulay party hriamtlai phu lei in minung 3 an thih lengah cheukhat cu faak ngai in hliam an tuar i, an hliamhma he an zaam hna. SAC ralkap lei motor pakhat zong a rawk tiah theih a si. Lisu National Development Party (Dulay party) cu SAC hruaitu Min Aung Hlaing he atu le tu tonnak a ngeimi party 34 chung ah aa telmi party pakhat a si. Cre-TCP