US hi cu US si ko, super power ram a si bantuk in zei lei poah mipi caah hnangamnak le lungthin daihnak a chuahpi tu hmasa a si thiam hoi ko. Covid ruangah kan buai ning le kan tuar khawh ti lo ning cu chim hau ti lo in kan thei dih cang ko, Atu thawngpang sunglawi ngai mi a vun chuak mi cu, Former Assistant Health Secretary Adm. Brett Giroir nih
Fox News ah interview a tuahnak ah a chim mi cu, atu US company pahnih nih COVID-19 treatment pills, Pfizer le Merck an ser mi,
US, Food and Drug Administration nih an cohlan cang mi hi thil a thleing tu, “game changers” a si lai tiin a chim
Mah Covid sii eiding mi US cozah Food and Drug Administration nih a cohlan cang mi nih mi tampi cu covid in kan luat lai, Covid ruangah hospital ah heh tiah kan kal tawn mi le mi tampi nih kan thipi mi cu a kan kham tuk cang lai tiin a chim
Mah bantuk Covid sii tak tak kan ngei cang mi hi thawngpang tha a si, a rangnak in millions millions in
company nih a serh a hau tiin a chim chap. Atu Covid sii an chuah mi hi ka in fawitein ei ding a si i, mah ruangah
minung tampi nunnak kham khawh a si lai i, a zawh ding mi tampi kham a si cang lai tiin a chim chap. Atu hi Covid thar Omicron ruangah vawlei cung ramkip heh tiah kan buai than cang i, a hlei in mah Covid thar a buaipi bik mi cu US an si cang i, US cu state kip ah mah Covid thar hi a um cang ti kho si cang. Trump admin nih covid sii tha tuk mi a kan ser piak khawh i,
a tu cu covid zoh khennak ding caah therapeutic tampi a um cang i tiin foxnews interview a tuahnak ah a chim. Cred-Breitbart
Kawlram thawngpang…Zahan Zaan NatChaung Khua Ah Zaan Khua Dei Kahdohnak A Chuak, Kap Hnih
In A Khawngmi Le Thimi An Um. Kalay Peng, Natchaung khua ah zahan zaan kahdohnak a chuah caah SAC ralhrang le PDF kap hnih in a khawngmi le a thi mi an um tiah Natchaung khuami pakhat nih a chim. “Zahan zaan cu zaan khua dei bak an i kap.Hriamngan hi minutes 10 dan ah voi(1) an kah.
Mizapi a khawng mi cu an um lo tiah kan theih.PDF lei in pakhat a thi. Ralhrang lei cu tam ngai an thi nain
pa zeizat an thih ti cu theih a si rih lo” tiah Khua mi pakhat nih a chim. December (22) ralhrang le PDF Natchaung khua
pawng ah kahdohnak a chuah caah SAC ralhrang nih December (23)ah vanlawng in an kah hna. December (26)zaan lei in kahdohnak a chuah caah SAC ralhrang nih hriamngan in an kah hna caah mizapi inn cheu khat a rawk.
Ralhrang khua chung an luh ni in khua mi hmun dang an zam caah harnak an tong ngai tiah theih a si.
“Khuasik thla a si caah puan, thil lum le ei din hna kan herh ngai” tiah Natchaung khuami pakhat nih a chim.SAC ralhrang nih Natchaung khua mi (5)nak tlawm lo an tleih hna.Vanlawng hmangin an kah hna.Ralhrang thahnak in khuami(11)nak tlawm lo an thi. Ref :People’s Spring