US intelligence agencies review early Russia’s invasion Ukraine ah a ngaichih ning a fak ngai- Intelligence agencies Washington DC., nih 2021 August ah Afghanistan Withdrawal bantuk in Ukraine ah a tlung sual lai tiah an lungrei thei ngai cang. President Zelinsky, Ukraine ralkap le mipi nih an ram kilven ding in nun thap in heh tiah an nih cawlhcang ning kha usa an rak pek lo caah atu cu US zong a ngaichih ngai tiah thei a si,
mah bantuk in Ukraine mipi hna le ralkap hna hi an ram caah nun thap in ral an tuk lai ti hi
US nih a rak zum lo. Battle for Donbas ah Russia nih Ukraine ralkap hna cu a tei ngai ko nain,
US lawmakers pawl nih cun, Ukraine hi hriamnam tha tha hmangin bawmh an duh cang. Senator Angus King, Independent from Maine “Russia nih Ukraine rak tuk hrawm thawk lio ah atu bantuk in thatein tawrel rak si seh law, Ukraine hi hriamnam tha tha in kan rak bawmh dingmi”, tiin a chim. Director of National Intelligence (DNI) Avril Haines, Senate Intelligence Committee, bia halnak a lehnak ah- National Intelligence Council (NIC)
nih hin tha deuh in le thuk deuh in Ukraine ram cozah, ralkap le mipi nih an ram caah nun thap in an
ram an kilven ning kha thatein rak zoh si seh law, tiin an tuah sual ning ah poi a ti ning a chim. Cre-RTK
====Spain Nih Anti-aircraft Missiles Le Tanks Cu Ukraine A Kuat Lai: Spain nih Ukraine sinah raltuknak hriamnam a bawmhmi cu a hlan nakin a ṭhawng deohmi le ṭha deohmi phun Anti-aircraft missiles le tanks tibantuk hna cu bawmhnak ah a pek lai tiah Spain Newspaper EL Pias nih June 5 ah khan cozah thawngpang cherhchan in a tial. Ukraine ralkap nih an herh taktakmi Tanks khalh ning, control ning le hman ningcang hna zong
Latvia ram ah kan cawnpiak hna lai tiah an ti. Cuka hmun ah cun NATO’s Enhanced Advanced Presence,
raldohnak kong he pehtlai in Spain ralkap 500 an chiah. Spain ralkap nih a hlan nakin a tmṭha
deohmi vanlawng kahnak Advanced Ballistic missiles hna cu Kiev khuapi ah kuat colh ding in an timhtuah tiah theih a si. April 21 ahkhan Spain Prime Minister Pedro Sanchez cu Ukraine ram ah a tlawng i, President Volodymyr Zelenskyy he tonnak a ngeih lio ah hriamnam thazaang biatak tein bawmh ding in Ukraine President nih a rak nawl. Asinain ram buai ruangah ruahnak leng in caan a rau ngai tiah EL Pias sin ah an chim. Atu tiang ah Spain nih
Ukraine cu Ammunition telh in pumpak i runvennak thilri dangdang hna cu bawmhnak ah a pek tiah theih a si.
===Kachin ramkulh Shweku peng Pankhawyan khua SAC ralkap hmaisuang sakhan pakhat cu June 5,
zinglei ah KIA nih luhhnawh in an laak tiah theih a si. Cu SAC ralkap sakhan cu KIA brigade 8, battalion 5 nih kadoh in an lak khawh, tiah tualchung mi nih an chim. KIA brigade 8, battalion 5 hmunram ah SAC ralkap hna nih sakhan an ser caah atu bantuk in kan kah hna i, an sakhan zong lakpiak an si tiah theih a si. Cu sakhan laaknak kong he pehtlai in KIA nih cathanh an chuahmi cu a um rih lo. Kachin ramkulh ah
KIA le an hmunhma ri a lonhtu SAC ralkap karlak ah nitin ngawt in kahdohnak a chuak, tiah theih a si.
Thah-dan Pekmi Le Thih Hlan Lo Thongthlak Ding In Biaceih Mi Minung 209 Tiang An Phan Cang:
SAC ralkap nih hramhram uknak a laak kumkhat le thla thum chung ah SAC ralkap uk duh lo langhter in cawlcangnak a tuahtu hna cu tlaih in a sangbik dantatnak, thih-dan le thih hlan lo thongtla ding in biakhiahnak tuahpiak a tongmi cu minung 209 tiang an phan cang, tiah ISP Myanmar nih nihin June 6 ah an thanh. Thih-dan pek mi le thih hlan lo thongthlak ding in
biakhiahnak tuahpiakmi hna chung in Yangon ramṭhen North Okalapa peng cu a tambik an si i,
thih-dan pekmi 52 le kum 12 chung thongthla ding in biakhiahnak tuahpiakmi an tam tiah theih a si. SAC ralkap nih nawlngeihnak an laak hnu ah thih-dan pekmi hna chungin U Jimmy, U Phyu Zay Ya Taw, U Hlah Myo Aung le U Aung Tu Rah Zaw hna cu a voikhatnak hri-awh ter ding in timhtuah a si, tiah June 2 ah SAC ralkap thawng thanhtu phu in hruaitu pakhat nih a chim. Hi kong he pehtlai in NUG le ramkip nuhrin covo lei rianṭuantu phu hna nih duhlonak an langhter. Cre-TCP