Tu lio thawngpang cu a linsa bak ko ee!! Russia hi a chim ning bantuk in a tuah thluamah cang ko,Interfax news agency report nih a langter ning ahcun, Russia lei nih Western pawl nih Ukraine in an bawmhmi an chianak hmun, Ukraine’s Ternopil region, Eastern city of Sievierodonetsk cu a dihlak in ceilak in an kap piak hna i, an hrawh dih tiah a langter. Governor of Ternopil region nih a chim ning ahcun,
Russia nih Black Sea hmun in city of Chortkiv an kap i mi 22 nih hliamhma fakpi an hmuh tiah a langter.
President Vladimir Putin nih June thla hram thawk hrawng ah Western pawl warning bantuk in
,’high-precision mobile rocket systems’ cu Ukraine sin ah supply an tuah ahcun ceilak in kah an si lai tiah a rak chim cang kha. Sievierodonetsk hi Donbas region industrial area a si ruangah Russia le Ukraine caah hmun hma tha le sunglawi ngaimi a si, Luhansk Governor Serhiy Gaidai nih
Ukraine le Russia ralkap hna cu Street fights an tuah lio a si tiah a chim. Cre-RTK
Kawlram thawngpang….Russia Aviacon Zitotrans airline thilphorhnak vanlawng IL 76TD nih
Min Aung Hlaing cozah sinah hriamthil he aa pehtlaimi thilri a kuatmi cu June 11 ah Naypyidaw a phan cang, tiah SAC ralkap media nih an thanh. June 11 zaanlei ah Russia Aviacon Zitotrans airline in thil phortu vanlawng IL76TD cu Naypyidaw a phan i, hriamthil he aa pehtlaimi thilri a vun ṭhumh. Nihin June 12 zaanlei ah Naypyidaw in Russia lei ah a kir ṭhan tiah theih a si. “Cu vanlawng nih a phorhmi thilri cu
hriamthil a si tiah theih a si, nain zeibantuk hriamthil a si fiang in media ah langhter a si lo.
June 11 zaanlei ah a phan i June 12 chun ah a kir ṭhan,” tiah Naypyidaw media nih an thanh.
==Sagaing ramṭhen Khin U le Shwebo peng khuate a khangtu SAC ralkap hna nih an i cit mi mawṭaw pawl cu tualchung mizapi ralkap nih nihin June 11 ah bomb an puahhnawh i SAC ralkap le pyosawthee 18 an thi tiah theih a si. Shwebo-Myitgyina lampi ah nihin June 11 zaanlei Sml 5 tluk ahkhan SAC mawṭaw 3 cu bomb puah an si. Ligh-truck pakhat cu bomb nih a khen i pyosawtee 8 an thih lengah midang 11 faak ngai in hliam an tuar, tiah theih a si.
Bomb a puahnak hmun ah SAC lei bawm ding in a ra mi SAC mawṭaw 3 lakah pakhat cu Khin U khuachung
luh lai ah bomb puahhnawh a si i, SAC ralkap 3 an thi. midang 7 hliam an tuar lengah an mawṭaw cu a rawk tiah theih a si. Khin U peng Shwebo- Myitgyina lam nichuah lei ah a ummi Kyauk Kaan khua cu SAC ralkap nih hriamngan 60mm kuan in voi 30 leng an kah tiah theih a si. Cuka khua lu i a um mi SAC ralkap hna cu bomb puahhnawh an tong i minung 2 an thi. khua chung an khangh lio ah tualchung mizapi vengtu ralkap nih 60mm in an kah hna i SAC ralkap pawl cu an zaam ṭhan hna. Cuti an zaam lio ah cun bomb hmanh mi an i lamhsual caah SAC ralkap 5 an thi chap, tiah tualchung media sinin theih a si. Cre-TCP