An mah Democrat pawl chungah hnabei dong mi an tam tuk cang i, Joe Biden cu ceilak in an soisel i, mah bantuk buianak vialte hi Joe Biden president a si hnuah a vun chuakmi a si i, pakhat hman a phising khawhmi um lo tiah an phomh cang tiin Breitbart nih a tial. Atu cu US mipi tam deuh nih a rah dingmi thla 12 chung hi US ram chungah thil man a kai chin lengmang lai tiah an zum ning le
Joe Biden cungah zumnak an ngei ti lo ning fiang cik cek in an langter cang
Washington Post George Mason University Schar School of Policy and Government nih
American puitling a si cang mi sin ah survey an tuah i, Survey an tuahnak ah US ramchungah thil man a kai chin lai tiah 66% nih an lungreithei ning an langter i, 21% nih a kai ti lai lo, thil man a fak tukmi hi a that cang lai tiah an ti i, 12% nih a mah ning tein a si thiam ko lai tiah an hmuh ning an langter. 12% said it would stay the same. The Hill Report nih a langter ning ahcun, thil man hi akai chin lengmang lai i, April le May nak in a kai chin deuh lai tiah report ah a langter.
The Post Schar Poll nih a langter than ning ahcun, 57% nih, an chungkhar zohkhennak ding
caah tangka kan herh mi kan hmuh cang i, 23% nih kan dirhmun a chia tuk ee tiin an langter. Cre=NewsMax
Kawlram thawngpang..Sievierodonetsk ah Ukraine Armed Forces caah ruahchannak a um ti lo, Khuachung an chuah tak cang i atu cu khua lenglei ah an um cang. Atu an dirhmun hi a thleng khawhmi a si ko nain, Russia lei nih hriamnam tha tha le ralkap tha tha an kuat chin lengmang caah Ukraine caah ruahchannak a um ti lo ti kho si cang. Russia’s invasion thawk in atu hi Zelinsky le a rian tuanti pawl caah hneksaknak caan harbik caan a si.
Ukraine President Zelinsky nih a chim ning ahcun, Sievierodonetsk i tuknak ah ralkap tampi an thi cang,
Russia zong nih ralkap le hriamnam tampi a sung peng ve tiin a chim. Natein Serhiy Haidai,
the governor of Luhansk nih a chim than ning ahcun “Ukraine ralkap hna cu khualeng lawng ah an um cang i, khuachungah an caah umnak ding a si ti lo caah, civilians mi, khuachungah ummi hna cu kham nak ding lam a um ti lo tiin a chim. Russia nih Sievierodonetsk dihlak an control dih cang ti kho si cang. Zelenskiy nih Donetsk, Sievierodonetsk he i tawnnak cu “ghost town” bantuk a si can tiin a chim. Bakhmut, 30 miles (48km) south-west, lei ah Russia nih rocket-propelled grenade & mortar hmangin heh tiah a kah peng hna.
Sievierodonetsk & Lysychansk hna hi khualipi pawimawh tukmi cu a si lo, natein atu Russia nih a kut tangah chia i lak hrim a duh caah le
Donbas tuknak ding caah mah khua hi khua biapi ngaimi a si caah Russia nih a kut tangah chia a timh ngaimi a si. Cre-RTK
Kawlram thawngpang.. SAC Nih Shan State Army Sakhan 3 Cu Ṭhial Ding In An Nawl Hna Nain SSA Nih An Duh Lo: Shan ramkulh Maishu peng, Shan State Progress Party/Shan State Army (SSPP-SSA) sakhan 3 cu hmun dang ah ṭhial ding in SAC ralkap nih nawlnak an tuahmi kong ah “Kan i ṭhial kho lo” tiah SSPP-SSA nih bialehnak an tuah. SSPP-SSA cu SAC lei ah ṭang in, an sakhan 3 zong June 10 hlan ah
ṭhialpiak ding in a luancia June 4 ah khan SAC nih nawlnak an rak tuah, tiah theih a si.
SAC nih sakhan ṭhialkam ding in an duh mi cu SSPP-SSA brigade 702, battalion 424 nih kum tampi
cawlcanghnak ah an hmanmi sakhan an si caah ṭhialpiak ding cun a si kho lo, tiah June 9 ah an leh hna. SSA in ṭuanvo ngeitu pakhat nih cun, “Kan Headquarters sakhan umnak lei a si caah hnahnawhnak pek an kan duh,” tiah a chim. “Kan sakhan cu kan ṭhialpiak kho hna lai lo, rallam an rak sial a si ahcun lehrulh cham dingah timhcia kan si,” ti in SSPP thawngthanhnak ah an thanh.
==Myaung peng le Yesagyo peng kar ah rallam sialtu SAC ralkap hna cu tualchung hriamtlai
phu hna nih June 9, zinglei ah a thli in an kah hna i, bomb zong an puahhnawh hna caah
SAC ralkap 15 an thi, tiah Myaung peng CDSOM phu sin in theih a si. SAC ralkap hna cu Yesagyo peng in Myaung peng an kal ah tualchung hriamtlai phu nih zinglei suimilam 6:00 hrawng ah a thli in an kah hna i, cu kahdohnak ah cun SAC ralkap 10 leng an thi tiah theih a si. Lampi i kah an ton caah SAC ralkap hna cu vaivuan in an tlizaam hna i,
cuti an tlikzaam lio ah cun bomb puahhnawh an tong chap i SAC ralkap 5 hrawng an thi ṭhan tiah theih a si.
SAC ralkap lei nih hriamngan 60mm le 40mm cu pehtlai in an puah caah tualchung hriamtlai phu lei pakhat nih hliamhma a tuar, tiah theih a si. Cu kahdohnak ah cun PDF Taloke, MGN Ranger, MGN Tiger, MGN 35, MGN 21,Shwe Oh (CDSOM) le Bu Gya Tit hna i fonh in, kahdohnak an tuah tiah theih a si. SAC ralkap hna nih cun Zayat Ni khuachung ah inn 2 an khangh i, Myaung peng Minhlah khuami pa 3 cu an tlaih hna, tiah theih a si. Cre-TCP