NBC News nih poll a langter mi cu American caah thawngchia bak si ko. 72 percent of American nih an zum ning ahcun, US ram hi a diklo mi lam a zulh cang tiin an zum ning an langter. Thil man akai chin lengmang, Coronavirus ruangah mipi an buai, US ramchungah supply chain ruangah mi tampi nih an duh mi cawk ding an ngei lo.
Foreign policy ah US cu buainak lawngte caah kum 2021 in kum 2022 hi US ram cu a dik lo mi lam a zulh cang tiin
minung 72 percent nih an zum ning NBC News poll ah an langter., US president Joe Biden le Vice President
Kamala Harris approval rating cu 30s a si. Biden hi 39-48 karlak a si i. Harris hi 32-49 percent a si. US mipi cu Coronavirus nak in US ramchung Economy a chia chin lengmang mi nih an lungrei a thei ter deuh i, cun a pahnihnak ah Covid an lungrei a thei ngai ve an ti. Cun, US ramchungah i thimnak hi zumngam ding a si ti lo an ti i,
Cun kan ram border hi a him ti lo tiin an lungreithei ning an langter Mah bantukin US ramchungah buainak
le lungreitheinak a um mi vialte hi Joe Biden nih a tawrel kho an zum lo i, mah bantuk buainak vialte
hi Republican pawl lawng nih an phising khawh lai tiah an zum. Atu hi kum 40 hnuah thil man a kai bik caan a phan, Atu midterm i thimnak a um ding mi ah hin Republican pawl nih teinak an hmuh lai tiah American mipi tamdeuh nih an zum hna tiin NBC News Poll nih a langter. Cred-RTK
Breaking News.. January 25, 2022; Tuzan suimilam 8(India) hrawng ah khan Myamnar le India ramri
Rih ralkap sakhan ah bomb puah thawng an theih. Rihkhawdar khua mipi hna cu thinphang thlalau in a um i,
Mizoram lei zong ah mi tampi an zaam tiah theih a si. Zokhawthar khuabawi Pu Mamuana nih Mizo Special Report(MSR) a chimh ning ah cun Khuamawi le Rihkhawdar in Mizoram lei ah a zaam mi an tam tuk hringhran. Thinphang thlalau in a zaam mi mipi cu Zokhawthar khuatlang hruaitu hna nih an buaipi cuahmah lio hna a si, tiah a chim.
Myanmar ram buai hramthawkka te khan Rih sakhan ah hin ralkap an um cang i, minung 10 hrawng
lawng an rak um tawn. Cu hlan ah cun anmah um tein an um peng i, khuachung mipi sin ah buainak le harnak an tuah theih a si bal lo caah mizapi ralkap zong nih an doh hna thawng theih a si ve lo. Nai hrawng ah khan ralkal a um hmasa mi cu ralhrang 50 rual nih an vun thlen hna i,
ralhrang a um thar mi hna nih mipi ṭhihphaihnak ah bomb an puah a si lai, tiah mi cheukhat nih an ruah.
Zeiruang set ah dah bomb hi an puah ti cu hngalh khawh a si rih lo. Hi bantuk in bomb puah thawng an theih tikah hnangam tein a um tawn mi mipi hna cu thinphang thlalau ngai an um i, a zanzan in mizoram lei an panh duahmah hna, tiah theih a si. Cred-TCP