US ram chungah thil man a kai ning cu thei dih cia si ko, Natein atu thil man a kai ning cu a tam tuk cang, i kum 40 hnuah, US ram chungah thil man a kai tam bik caan a si than. Joe Biden nih tuanbia tha a tial mi rel ding mi a um lo, tuanbia chia lawngte si cang ko. US ramchungah thil man a kai ning cu 8.5%, a si cang. The Labor Department nih Nihnih Ni/Tuesday ah a langter ning ahcun, US ram chungah thil man a kaimi cu 8.5% a si cang. Mah hi kum 1981, December hnuah a kai tambik caan kan phan tiin a langter. US ramchungah thil man a kai chin lengmang,
Atu hi Russia nih Ukraine a tuk caah thil man hi atu nak in a kai chin lengmang lai tiah zum chap a si. Cre-NewsMax
Kawlram thawngpang… Kalay-PDF In Thangpuia SAC Ralkap Nih An Tlaih! Kalay-PDF battalion 2 sakhan
cu nihin April 12 ah nawlngeihnak latu SAC ralkap nih luhhnawh in an kah hna, tiah theih a si. Mizapi vengtu ralkap sakhan kahdoh an tonnak hmun ah PDF bawmtu ding ah a kal mi Kalay-PDF 2 cu SAC ralkap nih an kah hna caah PDF pakhat cu a nunnak a liam i, Kalay-PDF in Thangpuia zong tlaih a tong, tiah theih a si. PDF-Kalay sakhan kap ding in SAC ralkap hna cu Chin ramkulh lei in ke in an kal, tiah
theih a si.Kalay-PDF battalion 2 sakhan cu caan karlak PDF-Kalay nih an kaltak chung, tiah theih a si.
=Sagaing ramtthen ah umhmun khuarmi dohthlennak a tuah tu phu pakhat a si mi
Anti- Dictatorship People’s Revolution Army(DRPA) bridage 1 tuanvo ngeitu Bong Khanh(ဘုန်းခန့်) cu nizaan April 11 zing lei Sml 4 tluk ah a nunnak a liam tiah DRPA chungtel pakhat sin in theih a si. Ralkap Bong Khanh hi kum 33 a si i a tha tthawng ngai mi kutser bomb(mine) a a hneksaknak ah ai hliam i April 11 zinglei Sml 4:00 tluk ah a nunnak a liam, Bomb ci nih a tangaan le a pang zawn ah a khen tiah theih a si.
DRPA hi Sagaing ramtthen ah hmunkhuar in SAC ralkap a dohtu phu pakhat a si i tu thla thokka zong ah
khan Monywa khuapi ah ummi SAC ralkap kuttang SAC ralkap pawl he an rak kap. Ni 435 Chung Ah
SAC Kut In Minung 1741 Nunnak Liam Cang. AAPP nih April 11 tiang thawng a thanh mi ah Myanmar ram pumpi SAC nih uknak a lak hnu ni (435) chung ah SAC ralkap nih an thah mi civil mi (1741) an si cang tiah theih a si. Tlaih a tong mi 13201 tiang an si cang. Tlaih ding in nawl chuah mi 1976 an si. SAC ralkap nih an thah mi hna hi Yangon ah a tam bik an si.
=Khuate 11 ah rallam a sial mi SAC ralkap le Bo Japan hruai mi People Revolution Army(PRA) kar ,
ni 10 chung ah kahdohnak voi 9 a chuak i SAC ralkap 23 an thi i RRA lei in 2 an nunnak liam tiah theih
a si. April 2 in Sagaing ramthen Pale Kaandongh(ကန်ဒေါင့်) palik a sakhan in Pyisawtee he a chuak mi SAC ralkap thazaang 64 cu Magway ramthen Myaing peng tiang khua 11 ah rallam an sial i April 11 ah an sakhan ah an kir than cang tiah theih a si.” Rallam a sial mi SAC ralkap hi minung 64 an si i pyosawtee zong an i tel, Meithal an pek ve hna, Miinung 41 an sakhan ah an kir than. Cu kar ah an mah lei a thi mi pawl an phum hna i minung 8 cu Pale siizung ah an kuat hna tiin thawng fiang kan theih,” tiah Bo Japan nih a chim.