Covid ruangah mipi nih heh tiah an tuar caah US federal cozah nih covid bawmhnak voih thum hrawn a phawt cang, atu hi thawngpang dang a vun chuak than i, Omicron zawtnak nih US ram chungah heh tiah mi tampi damlo in a chia i, mi tampi rian an tuan khawh ti lo caah Democrat lawmakers pawl nih President Joe Biden sin ah
Coronavirus stimulus bawmhnak phawt than kan her men lai tiin an theiter cang, Kum 2020 ah campaign lio ah Biden nih
President ka si ahcun Covid hi ka tei hrim lai tiah a rak chim, Mipi nih Covid a kan tei piak tu ding mi cu tiin heh tiah an vote,
natein kum 2020 nakin Joe Biden president a si hnuah US ram chungah Covid ruangah a thi mi le a zawh mi an tam deuh caah Trump zong nih na bia kam mi cu tlamtlingter cang ca tiin Joe Biden cu zahan foxnews interviews ah a phomh. Senator Kyrsten sinema (D-AZ) nih a chim ning ahcun, Omicron ruangah mi restuarants khar a si cang i, mi tampi rian an tuan ngam ti lo tiin Washington Post sin ah a chim.
Rep. Jamaal Bowman (D-NY) nih a chim ning ahcun New York State cu coronavirus ruangah heh tiah kan buai than cang i, thil man a kai tuk ko nain bawmhnak/Stimuls package
phawt than a her tiin a chim. Bawmhnak phawt than a si khawhnak ding caah Congress ah ka chuah pi lai tiin a chim. Cred-Breitbart
Laitlang thawngpang…ZRA le SAC Tonnak an Ngeih caah kan Kah hna tiah CNF nih Chim. Tedim peng chung ah a cangmi Zomi Revolutionary Army (ZRA) le CNA hruaimi mipi ralkap bu karlak kahdohnak kong he pehtlai in “ZRA le SAC ralhrang karlak ton biaruahnak an ngeih caah kan kah hmasami hna a si,” tiah
CNF chimnak nawlngei Salai Htet Ni nih Myanmar Now ah a chim. December 17 zinglei ah Tedim he meng 20 hrawng
a hlatnak Gawsing khuate ah ZRA le CNF hruaimi mipi ralkap bu karlak ah kahdohnak a chuak i khuami pahnih
hliamhma an pu, tiah khuami nih an chim. Cu kong he pehtlai cun Salai Htet Ni nih, “Aruang bik cu SAC he ton biaruahnak an ngeih caah a si. Cucahcun, i runvennak ca ah kan kah hmasami hna a si,” tiah a chim. Aluancia thla chung ah ZRA nih Tedim peng chung i PDF sakhaan hmun 3
ah luh hnawhnak an tuah i, sakhaan hrawhpiak hna pin ah December 5 zong ah PDF-Zoland i an hruaitu
pakhat a simi Pu Cin Sian Suan cu a inn ah meithal in an rak kah. “Ralkap uknak ahram chah ding in kan doh cuahmah lio ah atu bantuk i an (ZRA) rianttuannak hi kan duh lo ngai. A si awk zong a si lo. SAC le ZRA hi an ttang tti ngaingai cang maw timi zong theih a har ngai,” tiah Salai Htet Ni nih a chim chap.