US mipi nih an uar ngai mi Nikki Haley nih Joe Biden China kongah ralrinnak a pek

Kawlram kong cu mipi lei in soisel le thangchiat a tam tuk caah mah Chinpage hi cu US kawng lawng ka tial lai caah US kong a rel duh mi poah nih Chinpage hi like le follow vun tuah law, US thawngpang na rel khawh peng lai tinak si

Nikki Haley nih Taiwan kongah US President Joe Biden ralrinnak a vun pek. Nakki Haley hi US ram aiawhtu ding in UN ah Ambassador an rak tuan cang mi a si. Natein kum 3 hrawng a tuan hnuah a rian in a phuah mi a si.

Kum 2024 ah, Republican party lei in President Candidate caah zum ngai mi pakhat a si ve. Nakki Halley nih Joe Biden a ti mi cu, “US nih Taiwan kongah China hi zoh sawhsawh ding a si lo. China nih Taiwan a lak ah cun chim ding mi a um ti lo, a dih tinak si cang ko.

Cucaah China cungah nemtein um ding a si lo tiin a chim. China hi ramdang cungah zaangfah a ngei lo mi ram a si. Ramdang kha a kut tangah a chia khawhnak ding caah thil zeipoah tuah pawi a ti lo mi a si. Kum 2022 Olympics boycott tiang China nih an dirpi cang.

Kan rian tuanti hawi a si mi India, Australia, Canada, South Korea, Japan  caah khuaici a mui tuk lai. Last Olympic 2008 ah a duh ning bantuk in khua a sa.

Kum 2022 Olympic kongah an duh ning bantuk in kan um than hoi sual ah cun Super power bantuk in an i ruat sual lai

Nikki Haley nih a chim chap mi cu, “Ka bia chim mi hi philh hla u, Atu China nih tuah a tim mi hi Taiwan lak than hi a si (HongKong a kut tangah a rak chia bantuk in).

Taiwan hi an lak than ahcun, an region lawn si lo in vawlei cung hmunkip hi an duh poah in lak khawh ding in an i ruat lai tiin ” Close Door meeting Republicans Study Committee (RSC) ah a chim.  Source-RTK

Be the first to comment on "US mipi nih an uar ngai mi Nikki Haley nih Joe Biden China kongah ralrinnak a pek"

Leave a comment

Your email address will not be published.


*