Tu lio thawngpang cu tih nung chin lengmang caah tial lo awk tha lo mi thawngpang a si caah mi tampi nih nan rel huam ti lo zong ah a rel huam mi caah ka vun tial than lai aw. US National Security Adviser Jake Sullivan nih a chim ning ahcun, Atu cu Russian ralkap hna cu i doh ding in an umnak ding hmunhma ah ready tein an um dih cang i,
Ukraine tuk ding in ready in an hmunhma ah an um dih cang tiin a chim. Zeitin dah Russian President Putin nih
Ukraine hi tuk ding in ralkap hna nawl a pek lai ti lawng kan thei lo tiin a chim chap. Hmailei thil a cang
ding mi chim a har ngai. Zeidah a tlung lai ti kan thei lo, Risk a sang tuk cang. Atu hi Ukraine chuahtak i mah le ram ah kirnak ding caan tha bik a si ko tiin a chim. A chimchap ning ahcun, Putin nih zeitin dah ralkap hna nawl a pek lai, vanlei in mawh Ukraine tuk hmasak ding in nawl a pek hmasa lai ti kan thei rih lo,
natein tanglei in ralkap hna nih Ukraine an tuk hmasa te lai tiah a zum ning a chim chap
Russian ralkap hna hi Ukraine ramri ah a luancia zarh ah ready in an um cang i, Black Sea ah
raltuk ning an cawng lai tiin a chim chap. US nih Fort Bragg, North Carolina in Poland-ah ralkap 3,000 a kuat hna lai, Russian Navy pawl nih Ninga ni thawk in Crimea-ah drill an ngei lai, Atu hi Belarus he Ukraine ramri ah Ni 10 chung ralkap pawl training an tuah cuamah lio a si. Cre-RTK
Kawlram thawngpang…SAC Ralhrang Ralkap Umnak Gaw Tui Gyu Sakhan Cu KNU Nih An Kah, Ralhrang (2) An Thi!
SAC ralhrang kuttang ah a ummi Lu Taw peng chung Myauh Paing Lyi Kaw ah a ummi Gaw Tui Gyu
ralkap sakhan cu KNU Brigate (5) kuttang ah a ummi Battalion hna nih Febuary (12), zinglei sml 9:45 ah luhhnawh in an kah hna i, ralhrang ralkap (2) an thi tiah Mutaw thawngzamhnak nih an langhter. SAC ralhrang ralkap hna nih Mutaw pengkomh chungah nuhrin covo buarnak zong pehzulh in an tuah zungzal i,
Febuary 9 zinglei sml 3:30 ah Pha Pun khuapi ah a ummi ralhrang ralkap hna nih minung umnak inn (2) hna
cu luhhnawh in an hrawhpiak hna pinah inn chungah thilri zong an hrawh dih tiah theih a si.
Cupinah SAC ralhrang ralkap cu Pha Pun khuapi chungah a ummi Htu Maw De ralkap sakhan cu motor hmangin tlunkal nan duh ahcun zatlang citmi motor pakhat ah (50000), thilri phortu motor pakhat ah (100000) tiang an hal hna i, cuticun an kalter hna tiah theih a si.The Fedaral times
Febuary 12 Zanlei Sml 5:00 Tiangah Thongtlami Pakhat Hmanh An Chuah Rih Lo!
Febuary 12 zanlei sml 5:00 tiangah Kawlram chungah a ummi thonginn kip in ramkhel ruangah
thongthlak a tongtu hna cu pakhat hmanh an thlah rih lo tiah ramkhel ruangah thong a rak balmi U Htun Kyi nih a chim. Febuary 12 zanlei sml 5:00 tiangah ramkhel ruangah thongthlak a tongtu pakhat hmanh an thlahmi a um rih lo. Ing Sein thonginn lawng a si lo, hmun damgah a ummi thonginn chungin siseh pakhat hmanh an thlahmi a um rih lo tiah a chim.
Febuary 12 chun sml 12:00 hrawng ahcun Ing Sein thonginn in thongtlami a phortu motor 3-4 cu an
chuak hna i, minung 90 an thlah hna nain ramkhel ruangah thongthlak a tongmi pakhat hmanh an tel lo tiah a chim. Motor 3 in an chuah/thlah than hna lai tiah thawngpang theih a si nain zanlei sml 5:00 tiangah pakhat hmanh an thlahmi an um rih lo, tiah Deltanewsagency nih a langhter.The Fedaral Times