A poi tuk hrinhrang ko, vawleicung ah ram rum bik le thawngbik tiah thei mi US ram chungah mah bantuk in ngakchia pawl caah an rawl tha bik baby formula cawk dingmi kongah nu le pa tampi an buai cang i, mah bantuk in US ram, vawleicung ram thawngbik ah thil a cang mi cu khuaruahhar bak si ko. Nithum nih ah US Legislators pawl hna cu lungkhat tein biakhianak an tuah i,
US ram chungah tu lio ngakchia pawl caah harnak an tawn ngaimi, faknak innak nemter deuh
khawhnak ding caah President Joe Biden cu, Defense Production Act hmang seh tiin biakhianak an tuah.
Rep. Josh Gottheimer, D-N.J., nih a chim ning ahcun, mah bantuk in ngakchia pawl nih harnak an tawn lio ah, President nih Defense Production Act of 1950 hi hmang cang seh law, ngakchia pawl nih an rawl tha bik baby formula ah harnak kan tawn mi a nem deuh khawhnak ding caah le ramchungah duh poah in cawk khawh ding a si kho nak ding caah
President Joe Biden cu kan thei ter tiin a chim, Tu lio ah ngakchia pawl caah
an rawl tha bik baby formula cu US ramchungah cawk ding mi a tlawm ngai caah
Nu tampi cu Joe Biden cungah an thinhun ngai i, mah bantuk president kan ngei mi cu tiin mi tampi Joe Biden a vote mi zong nih an nih chir ning an chim pa lengmang cang. Mah kongah White House Press nih usa kan pek ngai mi pakhatnak a si, atu hi heh tiah kan cawlhcang cuamah lio a si tiin an chim ve. Cre-Newsmax
Kawlram thawngpang….Hakha khua, Cawbuk gate ah kahdohnak a chuak.
2022 May 18 – Chin ramkulh, Hakha khua, cawbuk sang ah a ummi gate ah
May 18 zaanlei sml 6:30pm hrawng in kahdohnak a chuak tiah theih a si. Cawbuk sang ah a ummi pakhat nih “Zaanlei sml 6:30pm hrawngah kahdohnak a chuak. Kahdohnak hi sml cheu hrawng a rau lai. Kan umnak inn hmai le phungki sianginn thlang ah a ummi bawlung certual ah hriamngan a tla. Gate a hngakmi SAC chungtel pawl an
hrumai thawng zong aa thei” tiah The Chinland Post ah a chim. Cawbuk gate hi Myanmar ram pumpi in
kahdohnak a rak thok hmasa biknak hmunhma a si i cu lio kahdohnak ah SAC ralkap 5 an rak thi.
== Major Lal Bik Thang hi a thei mi kan tlawm kho. A tulio ah hin CNA ralkap ah min ngei le an i bochan taktak mi a si. Ralram ah hmaisuang in an hruaitu pasaltha taktak a si. Nihin zingah Vau rawng nih bia an hal mi chungin tlawmpal ka van langter lai. Kawl ralkap nih hin an in nehsawh hna maw an in zenh denh hna hme tiah an hal i Major Lal Bik nih a leh mi hna cu lung a hmui taktak. Min Aung Hlaing nih chinram hriamtlai
cu meithal zong an ngeilo. Minung tlawmte an si i buaipi tlak an si lo tiah a chim.
A si nain kan chinram ah an rak kai i an fiang bak ko. Ralhrang pawl hi kal an duh nak hmanh ah an kal ngam bello. An kan phomh tuk lai ti an phang caah an i ralring taktak. An ruah ning bantuk kan rak si lo an kan zenh tuk. Hi nak in kan thazaang a thawn nak dingah cun Ramleng unau hna nih kan bawm cuahmah ko ulaw kan thazaang a thawn chin lengmang ko lai tiah Major Lal Bik nih a chim. Vaurawng Zunthil