US le China hi vawlei cung ram ah tih nung bik ram an si, aruang cu China nih a tim bik mi cu US ralkap nak in China ralkap kha thawng deuh hna seh ti a duh caah heh tiah a zuam cuamah i, A hlei in rocket le missile ah China cu a thangcho tuk caah Pentagon zong nih China nih missile ah an kan tei cang tiin fiang tein an rak chim cang kha
Atu cu US nih China mualpho ter a tim peng mi lam pakhat kongah China cu ceilak in mualpho in a tuah cang.
President Joe Biden nih a rak chim cia bantuk in China ram ah Winter Olympic boycott a si lai tiin fiangtein White House nih thawngthanhnak a tuah cang
US ni mah bantuk in Beijing Olympics ah US olympic hruaitu pawl an kal lai lo tiah biakhianak a tuahnak ruang cu China nih miphun tlawm hna cungah a thil tuah ning US nih a duh lo ruangah a si. Uighur pawl cungah China a cawlhcang ning cu fiangtein voih tampi ka rak tial cang. Kum tling lo mi pawl hna kha heh tiah rian a tuan ter hna,
cun Uighur Muslim pawl kha tampi a thah cang hna i, nu tampi cu nau ngei khawh lo ding in sii a chun hna,
Cun mah pawl hna hi hmunkhat ah a chia hna i heh tiah rian a tuan ter hna, an rian tuanman China cozah kut ah a lut lengmang tikah
China nih winter Olympic a tuah ding mi ah US cu kan kal lai lo tiah biakhianak an tuah mi hi a si. UK zong nih China thil tuah ning kha heh tiah a rak soisel peng ve i, atu US nih Beijing Olympic boycott a tuah cang caah UK zong nih a tuah ve lai tiah zum a si,
natein mah thawngpang ka tial lio ah cun zeihman UK nih Beijing Olympic kongah fiangternak a tuah ri lo
Mah bantuk in Joe Biden admin nih biakhiatnak an tuah hnuah Republican pawl nih Joe Biden admin cu heh tiah an phomh i, An chim mi cu, US Olympic hruaitu pawl Beijing Olympic ah an kal le kal lo kha China nih zei ah a rel lo. Mah bantuk in Joe Biden admin nih Beijing Olympic boycott an tuah mi hi China caah sunghnak pakhat hman a um lo tiin Replublican pawl nih an chim ve. Cre-Breitbart