US le Russia buainak kong voih tampi ka rak tial cang, an i tuk men lai tiah mi tampi nih an zum ning le US intelligence lei nih tih nung tuk mi thawngthanhnak an tuah mi vialte cu pakpalawng si cang. US intelligence nih a thanh ning ahcun Russia nih Ukraine cu ni 16 a tuk lai tiah an chim i, US President Joe Biden zong briefing an tuah, Breifing an tuah hnuah
Joe Biden le West Leader pawl cu secret room ah meeting an ngei. Meeting an ngei hnuah Joe Biden nih
Russia President Putin phone in a chawn cawlh kha. Joe Biden nih Putin phone in a chawn mi kongah
former President Trump nih Joe Biden a phawm cawlh i, Joe Biden hruaitu tha a si lo ning le Afghan Withdrawl atuah ning konga a ralchia tuk caah Russia zong nih Joe Biden cu zei ah a rel lo tiin a chim kha. Joe Biden nih Putin phone in a chawn hnuah The White House zong nih President Joe Biden le Putin an i chonh mi cu a tlamtling lo tiin thawngthanhnak an tuah cawlh kha
West le Russia kongah saupi an buai hnuah, US nih Russia ralkap pawl hna Drill an dih cang i an ram ah
an kir cang ti a zum lo buin, Russia Defense Ministry nih vawleicung ramkip hmuh kho ding in Russia
ralkap unit cheukhat Drill a ngei mi hna, Russia ram ah an kir mi video cu a langter. Natein West pawl nih Ukraine invasion a tlung hrim lai tiah an zum peng, Russia nih Crimea Military an dih cang mi cu barrack lei an kal ti a chim. Russia Moscow’s Defence ministry nih Tanks, motor ngan pi pi hna Crimea in an kir lei video pawl hna cu a langter. Zahan zan ah Ukraine Defense Ministry cu Cyber attack a si,
Mah bantuk in a tuah mi hna hi West pawl nih fiang tein an chim duh lo, natein zum mi ram cu an ngei. Cre-RTK
Myanmar thawngpang….Myanmar ralhrang sin ah hriamnam zuar mi ngol ding in Burma Campaign UK nih
Pakistan Prime Minister Imran Khan sin ah Febuary 14 ah nawlnak a tuah. Pakistan cu Myanmar ralkap he caan saupi runvennak rianṭuanṭi ding in hnatlaknak a ngeimi an si bang, Pakistan nih Myanmar cu Hriamnam thil pin ah a hlei in JF-17 Jet Fighter a bawm pengtu a si. Tutan ah Pakistan nih Myanmar ralhrang hna sin ah
Motre, Laucher, Machine Gun, Jet fighter le Rocket a zuarh ṭhan lai, tiah thawngpang theih a si i
Myanmar ralhrang agents pawl zong hriamnam an rak kuat hlan ah hriamnam zohfelnak ngei ding in Pakistan ah an kal lai, tiah theih a si. Cu hriamnam pawl cu ralhrang nih civil mi thahnawnnak ah an hman lai i Myanmar ram ah civil mi thahnawn an tonmi a karh deuh lai pin ah, Pakistan nih a dirpi mi Rohingya miphun
cung zong ah a hman ṭhan lai, tiah Burma Campaign UK nih cun Imran Khan sin ah ca na kuat.
Cun, Canada Hluttaw Palai Anna Roberts nihcun, “Imran Khan nih hin Myanmar mizapi a thatnawngtu ralhrang he siloin Myanmar mizapi lei ah a dir awk a si, Myanmar ralhrang lei a dirmi le hrianmam a zuarhmi hi Myanmar ralhrang nih an tuahser mi ṭhatlo le Human Right an buar mi ah thazang petu bantuk a si lai,” tiah a chim. Credit-TCP