US le Russia hi pasal veveh ti mi an si caah an nih thuat hrim ko lai tiah mi tampi nih zum a si cang. US nih Ukraine kan dirpi lai a ti bantuk in a tuah tih nung tuk mi hriamnam a kuat peng i, a tu cu vawlei cungah tih nung bik tiah thei mi US bomber hna cu Ukraine bawm ding in a kuat cang. Nihin ah US nih Ukraine kan dirpi peng ti langter nak ding caah le Russia nih
Drill a ngei lio mi zei rellonak langter nak ding caah B-52 Stratofortress aircraft & support equipment
hna cu RAF Fairford, Gloucs ah a tum ter hna. US nih B-52 Bomber caan tampi mah ka hmun ah um ding
in ‘long-planned’ Bomber Task Force mission’ an kuat. B-52 Stratofortress aircraft 4- HATE 11, HATE 12, HATE 13 & HATE 14 pawl hna hi akuat mi hna cu a si. Mah bantuk in US nih a tuah cang caah i tuk ding ti cu a fiang cang tiin mi tampi nih an comment i, mah bantuk in US nih a tuah cang mi cu zeibantuk in thil a cang mi kha a serious ti fiang tein thei khawh a si cang tiin mi tampi nih an chim cang. Cre-RTK
Kawlram thawngpang… Kayinni ramkulh, Loikaw peng Pakyael khuachung ah sualnak ngei lo khua mi minung 2 cu
ralhrang phu kut in nizan February 10 ah mei khanghnak in thah an tong, tiah KNDF sin in theih a si.
Loikaw-Demoso motor lampi ah a ummi Pakyael khua le Mawchisuhsi khua pawng ah ralhrang phu hna le Kayinni ralkap phufonh kar kahdohnak a chuak i, ralhrang phu hna nih khuachung mipi umnak inn cu an khangh lengah sualnak ngeilo khuachung minung pahnih cu an tlaih hna i, ralhrang thilthuam an hrukter hna hnu ah, mei khangh in an thah hna, tiah KNDF nih cathanh an chuah.
“Meikhangh in thah a tong mi pahnih hna cu Pakyael khuami an si ti in theih a si i an min fehternak belte a um rih lo.
Ralhrang pawl cu an umkalnak lamthluan ah inn khangh le hrawh lawngte an rian,” tiah KNDF phu chungtel in minung pakhat nih a chim.
Nizan February 10, zinglei suimilam 7:30 hrawng ah Pakyael khua le Mawchisuhsi khuapawng i ralhrang umnak sakhan cu KNDF battalion 2, battalion 12, battalion 14 le KA phufonh nih an doh hna. Cu hnu ah chun suimilam 12 hrawng in Phatima khua pawng ah kaphnih kar kahdohnak a chuak ṭhan tiah theih a si.
Kyaikhto Peng Muhpalin Khua Pawng Ah KRF Nih Ralhrang Bomb In An Doh Hna: Mon ramkulh, Kyaikhto peng,
Muhpalin khua le Khalun khua kar Phoegyayu tlanglawng lam ah a ummi ralhrang phu hna cu Kyaikhtu
pah-kah-phah phu hruai mi KRF nih nihin February 11, zinglei 8:30 ah bomb in an doh hna. Cu dohnak ah cun ralhrang lei minung 5 cu an thi lai, tiah KRF thawngthanhnak in theih a si. Chindwin tiva lam in a kalmi ralhrang tilawng 2 cu SGZL-PDF nih bomb in le hriamngan in an kahdoh hna caah ralhrang phu minung 7 an thi i, minung 10 nak tlawm lo nih hliamhma an tuar, tiah theih a si.
Kahdohnak a dih hnu ah mizapi vengtu ralkap phu lei cu hliamtuar le a thimi um lo tein hnu an tolh kho ṭhan,
tiah GZ Local PDF phu nih cathanh an chuah. Yinmapin Zong Ah Ralhrang Bomb Puah An Tong:
Nihin February 11, zinglei suimilam 11 hrawng ah Sagaing ramṭhen, Yinmapin peng ah ralhrang phu hna cu mizapi vengtu ralkap nih bomb in an doh hna, tiah theih a si. Aungmoe khuachung um mi hna zong nih “Aungmoe khua pawng security no.28 ralhrang phu hna cu zinglei suimilam 9:00 hrawng ah bomb in doh an tong,” tiah an chim fawn.
Bomb puah in doh a tong mi ralhrang phu chung in minung 10 nak tlawm lo an thi i, hliamhma tuar mi zong an um, tiah theih a si.
Ralhrang phu kahdoh an ton hnu ah ralhrang phu cheukhat nih an duhnak hmun poh meithal in an kah caah Aungmoe khuachung inn hna cu an kaang, tiah an chim. Khuachung mipi inn zeizat dah khanghpiak an ton cu fiang tein theih a si rih lo. Khuachung um mipi hna nih ralhrang thilsernak cu an ṭih caah hmundang ah an zaam hna, tiah theih a si. Ralhrang phu hba bomb in doh an tonnak kong ah khuachung mizapi vengtu ralkap phu nih an tuahmi a si kong cathanh an chuah. Cre-TCP