US senate nih Ukraine bawmhnak ding caah 40b$ cu house ah tlamtling tein an cohlan cang, A cheu 20b$ hi hriamnam cawknak ding caah le Ukraine ralkap pawl lakha a si lai, Tu lio hi Russia lei an thawngpang a vun tha than ngai i, Afghan ralkap pawl lakha kha US nih a tum piak hna i, natein ralkap bawi pawl kutah tangka tampi a lut i, ralkap pawl sin ah lakha lak ding mi zong thatein aphan tawn lo kha.
Afghan ram ah afghan ralkap pawl nih thatein lakha an lak kho lo lio ah ralbawi pawl hna
cu an duh in thil an cawk in suilenung in an um lio ah ralkap a tuantak tak mi cu thatein
lakha pek lo in an rak um kha. Ukraine hi Europe ram ah a corrupt bik 2 nak( Russia hi 1 nak) an si i, a tu zong hi an body armour le an meithal hna cu black market ah an zuar thluamah cang ti thawngpang thei ding mi a vun chuak than hoi cang i, Mah bantuk in US nih Ukraine tangka tamtuk in a bawmhmi nihin Ukraine caah thil tha a chuah pi lai maw ti cu expert pawl lungreithei ngai mi a si. Cre-RTK
Kawlram thawngpang…..Sagaing ramṭhen, Depyeyin peng, Tayetdaw khua SAC ralkap nih
an duah mi inn kang lak ah Mithi ruak 40 char a si, tiah Ye-Oo PDF nih an chim.
May 19 zaanlei sml 5:00 hrawng ah Ye-Oo pengkomh, Depyeyin peng nichuahlei ah rallam sial mi SAC ralkap le ShweBo PDF, YeeOo PDF, Depyeyin PDF hna cu Depyeyin peng Tayetdaw khua pawng ah an i kap i, cu an i kah hnu ah Tayetdaw khua cu SAC ralkap nih an khangh. “Kahdohnak cu suimilam pakhat chung hrawng a rau, Bomb kan hmanhnak hmun an phanh bak ah bomb kan puah, Cu hnu ah kaphnih
kahdohnak cu a chuak i SAC ralkap a thi mi an tam, Kannih lei kan him, SAC ralkap kah mi
hriamngan zong Pawngtha khua ralzam camp ah a tla i minung 11 hliam an tuar, a hmun ah a thi mi
zong an um,” tiah tualchung ralkap pakhat nih Democracy Voice of Burmese (DVB) ah a chim. “Kahdohnak ah a thi mi an ralkap pawl cu SAC ralkap nih Tayetdaw khua inn an khangh pah ah innchung ah an khangh chih hna, An kal hnu in hmunhma zohfelnak kan tuah lio ah a rawk rih lo mi ruak 21 kan hmuh, Minung ruak an si ko lai tiah kan fehter khawh rih lo mi he cun ruak 40 hrawng a si. Ruak 21 kan hmuh mi hna cu
Sa em bantuk in an i em i an hmin dih, SAC ralkap nih an hman mi Caih( Rawl kennak), tidur, Ralkap
taisawm le an seal pawl an ruak lak ah kan hmuh caah SAC ralkap ruak an si ko,” tiah a chim chap.
=Yuangan Peng Ah Pyusawhti Hruaitu 2 SAC Ralkap Nih An Kahthah Hna: Shan ram chaklei Yuangan peng Minpalawng khua ah pyusawhti hruaitu 2 cu SAC ralkap nih an kahthah hna, tiah tualchung mi nih an chim. Kahthah a tong mi hna cu pyusawhti hruaitu U Kyaw Thein le U Khin Maung Thein an si i, a luancia May 15 ah kahthah an rak si.
“Kahthah a tong mi pahnih hna cu SAC ralkap vengtu an si i, rian fialmi an tlamtlinh khawh lo
caah thah an tonnak hi a si,” tiah min langhter lo tualchung mi pakhat nih a chim. SAC ralkap hna nih Yuangan pengchung ah minung thazaang chap in khuachung inn hna cu an luhhnawh i, an thilri an chekhlat piak dih hna lengah May 15 ah Nabangyi khua inn 3 le May 16 ah Laykai khua inn khat cu an khangh piak hna. Cre-TCP