US le China an buai ning thawngpang cu thei peng a si caah mi tampi nih US le China hi an nih tuk ngam lai lo tiah an chim tawn, Nuclear power a ngei mi ram an si ve ve caah fawitein i tuk cu a tlung lai lo, natein Trump president a rak si lio ah khan Trump nih China kha tuk a tim caah Ralkap bawi Mark Milley nih China cozah kha a chawn mi a si.
Mah Mark Malley nih Trump thei lo in China cozah a chawn mi kongah mi tampi nih Mark Malley US caah zumtlak a si lo
China a dirkam tiin impeach tuah an duh, natein Joe Biden he a tu rian an tuan ti caah Democrat lei kap
nih an dirkam caah biaceihpiak cu a har ngai. South China Sea kongah America le China buainak cu a daih kho bak ti lo, thawngpang a linsa peng. US State Department nih Document an langter mi ah President Xi Jiping cozah ruangah atu US le China karlakah buainak fakpi a chuak mi a si tiin an langter.
South China Sea le Nine Dash line hna hi China nih ka ta a si a ti caah China ram chungah a chia dih,
Vietnam, Taiwan, Philipines ram he atu hi an buai ngai. US document “South China sea chungah buainak tampi hi ram nganpi pakhat nih a ta bantuk in a chia dih. Cucaah China nih mah pawl hna hi a ta bantuk in a chia mi hna hi ngol cang seh tiin State Department nih China cu ralringnak a pek.
US raltuk tilawng hna cu South China Sea ah an duh duh in cawlhcangnak an ngei peng caah Beijing a thinhun ngai cang.
China hi a luan tuk cang i, kum 2016 ah, mah South China sea kong hi International Court nih a rak ceih cang mi a si, Mah hna hi China ta a si lo i, China nih zeihman chim ding mi a ngei lo tiah International Court nih biakhianak a rak tuah cang. Natein, International Court nih biakhianak a rak tuah cang mi cu nihin tiang China nih zei ah a rel lo i, a ta bantuk in a ruat peng. Cred-RTK