Russia nih Ukraine a tuk hnuah ni 6 hrawng a si cang. Atu Ukraine khualipi Kyiv cu Russia ralkap pawl kut tangah a um ri lo, Khuapi dang cu Russia ralkap kut tangah a um mi a um cang. Atu hi Russia ralkap pawl hna cu Kyive ah lut ding in (Russia Convoy an ti mi) Russian military vehicles tampi le ralkap minung 1,5000 cu Kyiv lut ding in lampi ah an um lio a si tiin US nih a chim. Mah pawl (group) nih direct in Kyiv ah lut lo in
logistical supplies an nghah lio a si, supply an hmuh bak in Kyiv an tuk lai tiin US nih a zum ning a chim.
**Ukrainian President Volodymyr Zelensky nih ZNPP ruangah Russia nih Nuclear hmang in vawleicung
a buaiter hlan ah vawleicung hruaitu pawl hna cu cawlhcang cang u tiin a sawm hna. Ukraine’s president Volodymyr Zelenskiy nih ZNPP Zaporizhzhia nuclear plant lcu Russia ralkap pawl kut tangah a um cang caah – Russians mipi sin ah biacahnak a ngei i, mah bantuk hi duhlonak langter nak heh tiah tuah u tiin Russia mipi hna cu a forh lengmang hna. UN Refugee Agency (UNHCR) nih
a langter ning ahcun 1.2 million refugees an um cang i, a cheu cu nghachia hna an si tiin a langter. Cred-RTK
Thawngpang dang…Nawlngeihnak latu SAC ralhrang nih National Unity Government(NUG) hruaitu telh
in minung 11 cu nizan March 4 ah ram mi sinak an hlihpiak hna, tiah theih a si. SAC ralhrang nih ram mi sinak an hlihpiak mi hna cu, Dr. Zaw Win Seo, U Yee Mon, U Lwin Ko Lat, U Aung Meo Min, Dr. Sa Sa, Daw Zin Mar Aung, U Min Ko Naing,U Meo Yan Naung Ting, Mah Ih Pan, Ih Ta Maung le Htin Lwin Aung hna an si. NUG i Human Rights Minister U Aung Meo Min nih cun hi bantuk ralhrang nih Democracy le nuhrin
covo cawlcanghnak lei ah aa tel mi hna sualphawt le ram mi sinak hlihpiak cu an tuah khel an tuah mi a si
ko, an tuah mi thil nih hin zei hmanh kan rianṭuannak ah a kan dawn khan lai lo, tiah a chim.
=Myaung peng Nay Po Kung Khua Ralhrang Nih An Khangh!: Sagaing ramṭhen, Myaung peng Nay Po Kung(နေပူကုန်း) khua, Simikung(ဆီးမီးခုံ) Yenet(ရေနက်) lawng dinhnak ah umhmun a khuar mi SAC ralhrang nih nihin March 4 zing Sml 9:30 tluk ah Nay Po Kung khua cu an khangh i mipi ngeih mi thilmansung pawl zong an lakpiak hna, tiah khua mi nih an chim. SAC ralhrang phu minung thazaang 60
tluk cu zing 9:30 ah tilawng 1 le motor 2 in Ayeyawady tiva ral a um mi hna cu an va panh hna. Nay Po
Kung khualu lakphakti dawr, lumehnak dawr, le inn pakhat an khangh i sui, ngun, caw le vawk pawl an laakpiak hna, tiah theih a si.
Nay Pu Kung Khua hi inn 150 tluk le minung 500 tluk an umnak a si i SAC ralhrang nih an an laakpiak mi thilri hna hi atu lio phaisa man cun sing 200MMK man si, tiah theih a si. March 1 ah khan khua vengtu ralkap phu nih SAC ralhrang raltuknak tilawng RPG in an kah ruangah atu bantuk in SAC ralhrang nih lehrulh an cham bia a si, tiah an chim. March 1 ah Simikhung Yenet lawngdinhnak ah SAC ralhrang Tank a phortu tilawng 2 cu
PDF phufonh hna nih RPG in an kah hna caah tilawng 1 an rawk i kaphnih kar kahnak a rak chuak.
=Ralhrang nih an tlaih mi Yangon ramṭhen, Kaw Hmu peng NLD party Executive Committee(EC) chungtel
U Lay Ko Ko cu phungrelnak caang 505 (a) in tazacuai a tong i, nihin March 4 ah Kaw Hmu peng biaceihzung nih biaceih hram an thok, tiah a chungkhar he aa naihniam mi hna sin in theih a si. “Phungrelnak caang 505 (a) in SAC ralhrang nih taza an cuai i, nihin march 4 ah Kaw Hmu biaceihzung nih biaceih hram an thok. March 14 ah biaceih ṭhan a si lai,” tiah a chung khar he aa naihniam mi nih Mizzima ah a chim.
U Lay Ko Ko hi kum 56 a si i Kaw Hmu peng NLD party EC chungtel le Ministry of Information ah hruaitu zong a si.
Phungrelnak caang 505 (a) in tlaih ding in nawl chuah mi ah aa tel ve mi a si. February 28, 2022 ah Kaw Hmu
peng Aphyoh khua a inn ah chungkhar rian herh in an kal lio ah SAC ralhrang le phosawthi phu nih motor 2 le ralkap 10 in lam an kham i an tlaih. An tlaih lio ah hin an tukvelh pah i hliamhma zong a pu, tiah theih a si. SAC ralhrang nih uknak an laak hnu in Myanmar ram ruahnak petu Daw Aung San Suu Kyi, President U Win Myint le NLD party hruaitu tampi hna cu SAC ralhrang nih an tlaih hna i, case phunphun in taza an cuai hna.
=Yinmarpin Le Madara Ah Lamtan In Ralhrang Bomb Puah An Tong: Sagaing ramṭhen, Yinmarpin peng,
Swe Tuang Oo in a rak ṭum mi SAC ralhrang hna cu March 4 zanlei Sml 11:11 hrawng ah Bo Tun Toh hruai mi TTPDF phu le Mahar Ming Tat Puang Suh nih meng 5 gate pawng ah bomb an puah hna i SAC ralhrang 4 nak tlawm lo an thi, tiah TTPDF phu nih cathanh an chuah. Bomb puah a ton hnu ah SAC ralhrang phu pawl umhmun an khuarnak Banhboi khua ah SAC ralhrang mawṭaw 2 an phan chap i, ralkap thazaang an chap, tiah theih a si.
Mandalay ramṭhen, Madara peng, Inn Gin Myiang Lay Kyiang Yan mizapi vengtu ralkap hna nih cycle 12
in minung thazaang 24 in ralhrang hna cu Kyaukse Lay khua le Kin khua karlak ah March 4 ni zing Sml 11 :00 hrawng ah mizapi vengtu ralkap phu 2 i bawm in bomb an puahhnawh i SAC ralhrang 12 nak tlawm lo an thi, tiah Pah – Kah-Phah-Madara ralkap phu hna sin in theih a si. Ralhrang hna cu mizaw phor mawṭaw 2 le probox mawṭaw 2 in hliam a tuar mi le a thi mi hna cu an kalpi hna. Cre-TCP