US super power ram a si ning a lang hoi cang. US hi cu tih nung bak ko. The State Department nih Nikhat ni ah thawngthannak an tuah i, US ralkap pawl, Afghan ram in an lakchuak lio ah Kabul Airport cu Bomb hmangin tuk a si, Mi 140 hrawng an thi i, US ralkap minung 14 an thi ve. Mah thil a cang mi ah US cu a mualpho i
vawlei cung ramkip nih ceilak in soisel le mawhchiat a si kha. Atu cu mah Kabul Airport bomb hmangah
tuk a si nak ah tuanvo alatu ISIS-K leader Sanaullah Ghafari a umnak a thei mi, US cozah sin ah a chim
kho mi sin ah US cozah nih $10 million laksawng pek a si lai tiin thawngthanhnak a tuah ISIS-K hruaitu Ghafari hi June 2020 ah hotu caah thim a rak si. US ralkap pawl, Kabul in an lakchuah lio ah Bomb hmangin Kabul Airport tuk a rak si lio ah ruahmannak a rak tuahtu pa kha a si. Cre-Breitbart
Kawlram thawngpang… Chin ramkulh, Matupi peng ah Diesel, datsi a um ti lo caah MPT phone tower seh
a nung kho ti lo i phone line a pit, tiah Matupi khua mi pakhat nih a chim. “Matupi ah thilphur mawṭaw
an luh ti lo caah diesel a um ti lo, Cucaah phone line a pit dih. A hlan ah cun Matupi ahhin Telenor le Ooredoo zong an rak um nain an phihnak a sau pah cang, MPT lawng a um cang i atu zong diesel a um ti lo caah seh a nung kho ti lo i phone line a pihnak nithum si cang,” tiah a chim. Cucaah atu ahcun Matupi peng chung ah cun Myanmar Economic Commission (MEC) lawng hman a ngah cang tiah theih a si. Matupi peng chung ah
CDF-Matupi le ralhrang karlak kahdohnak a chuah lengmang caah mawtaw an lut kho lo i diesel, datsi
lawng siloin din-ei ding zong an chambau ngai, tiah theih a si. A hlan ah datsi 1 litre ah 1000 mmk a si mi
kha mawṭaw an luh ti lo hnu cun datsi 5 gallon ah 80,000 mmk a si i cu hmanh ah zapi zaran cu an ting ti lo. Chinram ah cun ralhrang nih Internet line an phihnak ni 100 leng si cang, tiah theih a si.
= Yangon ramṭhen, Palek zung in CDM tuahtu, caan karlak Palek Bawi (Yee-Hmu) Tin Myin Htun i a inn cu ralhrang nih an chuh i february 7 zanlei sang ah an kharpiak, tiah Tin Myin Htun inn umnak N. Okkala-pah peng i a ummi tualchung mi hna nih an chim. Yangon ramṭhen Press le palek ah Palek Bawi
si mi Tin Myin Htun cu kan hnu january thla khan ralhrang uknak tang rianṭuan a duh ti lo caah
CDM a tuah i a ṭuannak Palek zung in rank sang hna lak ah CDM tuah hmasa bik a si. Kum 31 chung palek a ṭuan cang mi zong a si. Palek Bawi Tin Myin Htun cu CDM a tuah bak in a chungkhar he hmundang ah an i thup i, A inn an kharpiak mi a theih ah, “Dohthlennak a dih tik ah an ka kharpiak mi ka inn ah zalong tein ka um ṭhan te lai,” tiah a chim. Cre-RTK