US nih ISIS-k hotu pakhat (ISIS-K planner) lawng an tha caah Joe Biden admin a muakpho chin lengmang ko

ISIS nih Kabul airport ah suicide bomblast an tuah ruangah US ralkap 11, rian tuantu pakhat le minung pakhat an thi, an dihlak in 13 an si kha. President Joe Biden nih phuhlamnak kan tuah lai tiin a chim kha. A chim ning bantuk in phuhlamnak cu an va tuah i, natein IS lei minung pakhat (1) lawng an va tha.
‘We killed the target’an ti kha, natein pakhat lawng a thi ti thawngthei a si. Mah kongah US mipi an thinhung chin

Kan mah lei minung 13 kan thi i, US nih Airstrike a tuah i, IS lei minung pakhat lawng maw a thi tiin heh tiah an lungtlinlonak an chim.

Mah operation ah ISIS-K planner lawng a thi, Civilians 1 pakhat hman hma a hmu mi an um lo. US mission cu mi tampi nih an nihsawh hna, IS nih bomb an puah mi ah khan,

Afghans mi 170, US Troops 13 an thi kha. Hi zat a thi mi phuhlamnak ding in IS lei minung pakhat lawng hi a zah lo tiin an lungtlin lonak an aupi cuamah ve. U.S. Navy spokesman William Urban nih a chim ning ahcun, ” over-the-horizon counterterrorism operation kan ngei, kan target bak ah kan kah hna, civilians hma a hmuh mi an um lo, mah operations ngei ding in US nih suimilam 48 lawng a ngei.

Mah lawng si lo in, Kabul Airport ah mi tampi lakchuah ding mi an um ri caah US nih fakpi in IS pawl hi a thuat ngam lo si lai ti cu mi tampi zum ning a si

ISIS terror threat cu tih nung chin lengmang ko buin UK nih Kabul Airport in Last Flight ding in tim tuahnak an ngei lo a si.

Gen. Sir Nick Cater nih a chim ning ahcun Kabul Airport an chuahtak hnuah, US troops pawl nih zeibantuk thil tih nung tuk mi IS pawl cungah an tuah lai ti a chim. General Sir Richard Barrons zong nih Britain lei ah ISIS pawl nih tih nung tuk mi an tuah ve lai ti a zum ning a chim. Kabul ah hin Brintons 150 le 1,000 Afghans kal tak an si lai. Cre-RTK

Kawlram thawngpang, an sual chin lengmang ko.. Ralhrangbu Nih Kalay Peng Tintar Khua Mei In An Khangh Sagaing remthen Kalay pengah a um mi

Tintar khua cu ralhrangbu nih nihin August 28 chun suimilam 12 hrawngah mei in an khangh caah inn cheukhat mei nih a kang dih tiah theih a si.

Ralhrangbu nih Tintar khua ah PDF he an i kah hnuah khua hi an luhhnawh caah khuami thong leng an zaam. An khua siangcachim U Kyaw Min Naing chawdawr cu an khangh hmasa i a khua ningin a kang dih men lai. Atu zong inn tam ngai a kang cang tiah khuami nih an chim.

Ralhrangbu hna hi August 26 ram lakin Tintar khua ah an luh hi a si i, ralhrangbu in a zaam mi an rak dawi mi a si. PDF hna nih khuachung luhtter an duh ruangah an kah hna hi a si.

Ralhrangbu hi minung 80 hrawng an si i, thazaang zong an i chap. Zan suimilam 6 hrawngah fak ngaiin an i kap i, ralhrangbu nih hriamngan he khuachung an kah ruangah PDF nih an kir tak tiah theih a si. Tintar khua hi inndong 1000 leng a si i, ralhrangbu nih an luhhnawh ruangah a zaam mi 2000 hrawng an si.Tuzanlei suimilam 3 tiang an khua cu mei a kang cuahmah rih ko tiah khuami nih an chim. Ref; DVB (Cr-TCP)