Caan a sau chin lengmang lai i, mipi zong nih an tuah chin lengmang lai ti a fiang cang, Russia a duh lo ngaimi cu US zong nih a tuah cang caah atu Russia le Ukraien buainak hi a sau chin lengmang lai i mipi zong nih an tuar chin lengmang lai tiah mi tampi zum ning a si cang. Russia lei nih Sievierodonetsk khualipi chung an lak chin lengmang caah, Joe Biden nih Ukraine sin ah advanced rocket systems,
Ukraine Defenders pawl nih Donbas region ah Russia ralkap pawl khamnak ding caah apek hna lai tiah a chim.
Western medium-range high mobility artillery rocket systems hi $700m tranche, security assistance -helicopters,
Javelin anti-tank weapon systems, tactical vehicles, spare parts an pek chap dingmi cu Wednesday ah thawngthannak a tuah – senior administration officials pawl zong nih an chim chap. Mah lawng si loin, a dang ammunition, counter fire radars, a number of air surveillance radars, additional Javelin anti-tank missiles, anti-armour weapons hna a tel chi. New York Times guest essay published ah,
Biden nih Ukraine Russia invasion cu diplomacy hmangin a fel kho dingmi a si ti lo,
cucaah US nih Ukraine nih a herhmi hna cu kuat chin lengmang a si lai tiah a chim.
Ukrainian president Volodymyr Zelenskiy nih Russia lakah i vennak ding caah hriamnam a hal chinmi kongah “Ukraine ca lawngin hriamnam hi kan hal lo, democracy rma pawl hna kilven le himtein chia nak ding caah si. Russia/ Occupiers hna kan tei khawhnak ding caah hriamnam tha tha kan herh peng lai tiah a chim”. Cre-RTK
Chinram chung thawngpang…May 31 tiang ah, Chin ramkulh chung in sianginn kai ding ah min
a pe mi dihlak cu minung 22,000 hrawng an si cang. Chin ramkulh chung in min a pe mi
tam bik cu Paletwa peng in an si, tiah Chin ramkulh fimcawnnak zung in ṭuanvo ngeitu pakhat nih a chim. “May 31 tiang ah sianginn kai ding in min a pe mi cu minung 22,000 hrawng an si cang, June 2 in sianginn on a si lai. Min a pe mi hna chung in a tam bik hi Paletwa peng in a si. Tukum cacawn kum zong voi dang kel bantuk in thla 9 kai a si lai i,
aa relrem ning in ca chimh an si ko lai,” tiah ramkulh fimcawnnak zung in tuanvo ngeitu pakhat nih cun a chim.
Nihin June 1 ah Naypyidaw lei thawng fianhter ning in, sianginn kai ding min a pe mi a tlawm biknak
cu ramṭhen le ramkulh chung ah kahdohnak faak a chuahnak hmun Chin ramkulh a si i, Chin ramkulh ah cun sianginn kai ding 22,000 hrawng lawng an um tiah SAC ralkap chimphuannak nawlngeitu general Zaw Min Htun nih a chim. 2022-2023 cacawn kum ah Thantlang le Kanpalat peng dah ti lo Chin ramkulh, pengkulh 7 ah June 2 in sianginn on a si lai. Chin ramkulh ah CDM cawlcanghnak a tuahmi cachimtu (saya/sayamah) an tam caah minung
thazaang i daihlonak a um ah cun, sianginn on khawhlonak hmun in cachimtu hna le khuate lei
cachimtu hna cu a herh ning in auh an si lai, tiah Chin ramkulh fimcawnnak zung in rianngeitu pakhat nih a chim.
Kawlram thawngpang…SAC nih june 2 thok in Basic Education Sianginn on a timh mi kong ah Zomi Political Coordination Committee (ZPCC) le Zomi Revolution Army (ZRA) Eastern Command nih dirpinak le cohlannak cathanh cu May 30 ahkhan a chuah. 2022-2023 Cacawnkum ah KG in Grade 11 tiang cawn ding tiah NLD Cozah nih an rak thlen mi ning in cawn a si lai caah hmailei ah ram le miphun caah a ṭhathnem mi a si lai tiah an langhter.
Zogam (Zomi) ram chung siangngakchia hna nih hmailei i ram le miphun caah arfi nan
si bang kum 2 chung ca nan cawn khawh ti lo mi sianginn an van on ṭhan caah Sianginn kai lo
in um hrimhrim hlah uh, nan thiamnak dihlak chuah in i zuam chin ko uh tiah forhfialnak zong an langhter chih. Cu lawng siloin mizei bantuk le zeibantuk phu hmanh nih Zogam ramchung ah Sianginn hrawh le kah lo ding, Cachimtu (saya/ma te) le Ngandamnak lei rianṭuantu le Cozah rianṭuantu hna ṭhihphaih le hrocer lo ding in kan in theihter hna. Cu bantuk a tuahtu phu le minung cu a herh ning in hmalak an si lai i a herh ahcun cozah he ṭangṭi in hma kan lak lai tiah an langhter.
==SAC ralkap nih uknak an laak hnu in Kayinni ramkulh chung kahdohnak ah tualchung hriamtlai phu
lei in ralkap nunnak a liammi cu 128 tiang an phan cang, tiah PKPF nih a thanh. Nawlngeihnak laak hnu kumkhat leng chung ah Kayinni ramkulh ah kahdohnak voi 318 a chuak i, cu kahdohnak ah cun SAC ralkap lei 1,277 an thi. Kayinni ralkap nih SAC ralkap motor 50 hrawng an hrawhpiak hna, tiah KNPP nih cazin a laak ning in theih a si. Kayinni ramkulh ah SAC ralkap nih vanlei kahdohnak voi 123 tiang an tuah. Tualchung mi 239 thah an tong i, ralzaam dirhmun an phanh hnu ah nunnak liammi hi minung 26 an um. Kahdohnak ruangah biaknak lei inn 20 le khuachung inn a rawkralmi hi 1093 a um tiah PKPF nih a thanh. Cre-TCP