Thawngpang a linsa lengmang, mah bantuk a si lengmang ahcun ralpi voihthumnak a chuak hrim lai tiah mi tampi zum ning a si cang. Russia thinhun tuk caah Ukraine khualipi Kyiv cu Missile in a bomb, Kyiv hriamnam an chianak Tanks le armoured vehicles dang European partners pawl nih an pekmi a hrawh piak dih. Russia’s defense ministry nih report ah a chim ning ahcun, Russia Tu-95 strategic bombers nih
sunday zing ah Caspian Sea in Missile pahnih in Kyiv an bomb tiin a chim. Ukraine’s Air Force le Kyiv
Mayor Vitaly Klitschko nih cun, Russia Missile nih Kyiv Railway infrastructure a hrawh piak hna tiin a chim
Ukrainian presidential adviser Mykhailo Podolyak nih a chimmi cu “Mah bantuk in Russia nih missile strike a tuah hran hoi caah Russia cu sanctions fakpi in tuah than si seh tiah a duh ning a chim. The TASS news agency reports nih a langter ning ahcun US nih Missile & hriamnam tha tha hmangin Ukraine an bawmh lai ti cu President Vladimir Putin nih a thei, Mah bantuk in US nih a tuah ahcun, “Russia nih
nidang ah target kan kah duh lomi hna cu kah a si lai” tiah a chim tiin.
Rossiya-1 state television channel ah Putin nih Ukraine cu an duh nak poah kap ding in
ready in an um cang? Natein zeitik ah an kah lai ti a chim lo. America nih kuat a timmi – Multiple Rocket Launch Systems (MLRS)- M270& M142 HIMARS &weapons stockpiles hna hi Donbas i tuknak ah hmang a si lai. Atu cu Russia nih Ukraine ram 20% a lak cang caah le Ukraine nih i vennank ding caah missile tha angei lo caah le Ukraine mipi nih an tuar ngai caah US zong nih a hlan ah Ukraine sin ah hriamnam tha tha a rak pek lomi kha a ngaichih ngai tiin report nih a langter. Cre-RTK
Kawlram thawngpang..Myanmar ram pumpi huap in June 5 nikhat chung kahdohnak ah
SAC ralkap 88 an thi i, PDF 1 a nunnak a liam ve tiah Khit Thit Media nih a thanh.
Khit Thit Media nih cazin a khawmhsuat ning ah SAC ralkap a thi mi hna cu, Magwe ramṭhen, GanGaw ah 8, Paohah 1, Sagaing ramṭhen, Sagaing – Monyua ah 5, PhaungPin ah 30, Kani ah 15, Kayah ramkulh, Demoso ah 6, Kayah ramkulh Pruso ah 1, Kayin ramkulh Battalion 5 ah 2 tiin an dihlak 88 an thi i Sagaing ramṭhen ChaungOo ah PDF 1 a nunnak a liam ve.
=Kani Peng Kahdohnak Ah SAC Ralkap 5 An Thi: Sagaing ramṭhen, Kani peng Tapyitaw le
Ungpinsaih khua kar ah SAC ralkap cu, June 5 ah bomb kan puahhnawh hna. Taung khua luh lai
ah kan i kap ṭhan i SAC ralkap 5 an thi, tiah CGDF nih cathanh an chuah. SAC ralkap pawl cu tilawng 8 in an kal i, Chindwin tiva an hrawng. Aitaung ah an i din i, tlang lam in an kal ṭhan, tiah theih a si. Taung khua luh lai kahdohnak cu sml cheu hrawng a rau i, SAC ralkap 5 hrawng an thi. PDF lei in 3 hliamhma an pu, tiah an langhter. Cu kahdohnak ah cun CGDF, ALPHA Special Force LE ṭangṭi phu hna an i bawm, tiah theih a si.
SAC ralkap pawl nih, Ungpinsaih khua an khangh i, PDF nih an phalh manh caah in 10 lawng a kaang, tiah theih a si.
==SAC nih nawlngeihnak an laak hnu February 2021 in March 2022 tiang ah minung 3165 cu thah an si i,
peng 86 ah inn 19,635 khangh an si cang, tiah Media Monitor Collective nih cathanh a chuah. SAC ralkap nih ramkulh le ramṭhen chung um peng 86 in khua 400 leng ah cun meikhanghnak an tuah i, Sagaing ramṭhen ah inn 12,687, Magwe ramṭhen ah inn 4304, Chin ramkulh ah inn 1376, Kayah ramkulh ah inn 360, Shan ramkulh thlanglei ah inn 329, Kayin ramkulh ah inn 166, Shan ramkulh chaklei ah inn 137, Mandalay ramṭhen chung ah inn 118, Kachin ramkulh ah inn 58, Tanintaryi ramṭhen ah inn 37, Mon ramkulh ah inn 30, Bago ramṭhen nitlaklei ah inn 26,
Yangon ramṭhen ah inn 4, Bago nichuahlei ah inn 3 hna cu an ciam dih, tiah theih a si.
SAC ralkap nih khua an hrawh ruangah minung 1,21,0846 cu inn le lo kaltak in a himnak hmun ah an zaam. SAC ralkap nih khuate hna cu an duh poh in an kah tawn caah minung 1112 hliam an tuar tiah an langhter fawn. Khuate lei zong ah sualnak ngei lo minung 16,251 an tlaih hna i , minung 1353 cu ralkham ah an hman hna, tiah Media Monitor Collection nih cathanh a chuah ning in theih a si. Cre-TcP