A si hrim ko ee!! kan vawleicung hi hnangamnak le daihnak a um ti lo e, Jesuh zum i, Pathian caah kan ti khawh tawk ah rian tuan i, zungzal nunnak kan zoh khawhnak caah tim cia tein um hi hnangamnak cu si ko. Kan vawileicung thawngpang kan thei mi hna hi thawngpang thalo le thawngchia lawngte si cang caah mi tampi cu
kumthar 2022 zong hi thinphan nak le tihnak in caan kan hmang than hoi ko lai ti an ruah caah an hna a ngam kho bak lo,
US ram chungah um mi, nutling le patling pawl zong an lungreithei bak ve be, Nutling le Patling tam deuh nih
kum 2022 ah zeibantuk thil kan tawn than hoi ko lai tiah an zum caah tihnak in an khat ko tiin Axios/Momentive poll nih a langter. Polls nih a langter ning ahcun American 58 percent nih kum 2022 ah thawngpang chia a vun chuak than hoi lai in harnak le buainak in kan um than hoi lai ti an zum i, an lungrei a thei ngai i,
kum 2022 kum hi an tih ngai, Natein American 48 percent nih kum 2022 hi kum tha a si ko lai tiin
ruahchannak tampi an ngei tiin Anxios/Momentive Poll nih a langter. American 35 percent nih
kum 2022 ahcun Covid kongah thawngpang chia kan duh ti lo tiin an chim i, American 31 nih rian le economy ah lungreitheinak fakpi kan tawn sual lai ti kan phan caah mah bantuk thawngpang thei hi kan duh ti lo tiin an lungput an langter. American minung 17 percent nih kan ram US ram chungah Democracy nih a kalpi mi hi a dik ti lo i,
Democracy kongah kan thinphan tiin an langter i, 16 percent nih kan health Care kongah kan lungrei thei lai tiah an lungput an langter
Atu hi US ram chungah thil man cu heh tiah a kai i, supply chain ruangah heh tiah harnak a um caah, Atu hi
kum 40 hnuah thil man a kai bik caan a phan. American 50 percent nih Kum 2022 zong ah mah bantuk thawngpang chia hi kan thei peng ko lai i, kum 2022 hi thinphan nak le lungreitheinak a si ko lai tiah an chim. American 17 percent nih cun kum 2022 hi economy caah kumchia tak tak/very bad year for the ecomy a si lai tiin
kum 2022 an hmang ding mi kongah an thinphan nak le an lungreitheinak kong an chim. Cred-Newsmax
Kawlram thawngpang… Nihin January 3 ah Kayinni(Kaya) ramkulh Demawhsu peng ah kahdohnak a chuak i,
ralhrang 14 an thi, tiah KNDF nih cathanh an chuah. Demawhsu peng Thuhluibila(ထူလွှီးဘီလာ) khuapawng Pharusu (ဖရူဆို) lei in rallam a sialtu ralhrang phu hna cu Kayinni ralkap KIA le KNDF nih an kah hna, tiah theih a si. Nihin zinglei suimilam 10:30 in zaanlei suimilam 7:00 tiang faak ngai in kahdohnak a chuak i,
cu kahdohnak ah cun ralhrang lei minung 14 an thi, minung 5 nih hliamhma an tuar. January 2 ah khan Ngawy Tawng See(ငွေတောင်ဆည်) pawng
ah kaphnih kar kahdohnak a rak chuak i ralhrang phu lei in minung 3 an thi, tiah theih a si. Cu kahdohnak ah cun Kayinni ralkap in minung pakhat le PDF phufonh lei in minung pakhat nunnak a liam. “Kahdohnak ah nunnak a petu mizapi ralkap pahnih cu ram le miphun caah an nunnak a liam tiin upatnak kan pek hna,” tiah KNDF nih cathanh an chuah. Cre-TCP