US ralkap Kareem ruak vuinak ah Joe Biden a mualpho hoi

US ralkap Afghanistan Bomb Blast ah a thi mi minung 13 lakah Kareem ruak vuinak ah President Joe Biden cu a tel ve i, bia a chim, a bia chim mi nih mi tampi soisel le thanchiat a si. Kareem pa Chappel nih a chim ning ahcun

Ka fapa ruak vuinak kan tuah hnuah President Joe Biden hmai inches 5 hrawng ah kan dir. natein a kan hlawt, thatein akan zoh duh lo.

Ka fapa hi nangmah ruangah ka kuh kho ti lai lo. Ka hmai ah ka hmuh ti lai lo i, a ni mi zong ka hmuh i ka thei khawh ti lai lo.

Ka fapa ruak pawng ah khan na fapa a thi cang mi kong lawngte na chim i, Keimah nih ee, a tu cu na caan a si lo tiah kan ti i, na pafa kong chim cang a si lo tiah kan ti kha. Nang mi thawng lo tuk mi, mi hlawt a hmang mi, ka fapa le ram caah nun a pek mi vialte a hlawt tu cu nangmah hi na si tiin a ti

Mah bantuk in a lungfaknak le Joe Biden a ti ning cu facebook ah a post. Cun mah a post mi cu Trump nih a bia chimnak website in a let i,

Kei president si ning law, na fapa hi na pawng ah a um lai, a thi lai lo. Kareem lawng si lo in Kabul Suicide attack ah a thi mi dih lak hi an thi lai lo,

an nu le pa sin ah dam tein an um ko lai. Civilians hna kha lak hmasak ding a si na in, Kan hriamnam $85 millions man he tiin former President Trump nih a chim. Mah thil a cang mi hi social media ah a lar ngai i, mi tampi nih Joe Biden an uar lo ning le Trump an hlam ning cu heh tiah an chim ve. Cre-RTK

Kawlram thawngpang… Demawhsu peng ah ralhrang phu nih hriamngan in an kah hna Kaya ramkulh, Demawhsu peng ah ralhrang phu nih hriamngan in an kah hna tiah theih a si.

Khuami pakhat nih” tu nai suimilam 6:00 luan hrawng khan an thok,hriamngan lawngte an hmang, nizaan zaan zong ah suimilam 6:00 luan hnu in an kah suimilam 10:00 deng tiang an puah,

tuzaan zong zeitik tiang dik an kah than te lai theih a si lo ” tiah a chim. September 7, ah NUG nih ramchung thilcang

kong he pehtlai in lakhruak thawngthanhnak a tuah hnu ah Demawhsu peng Kayinni ralkap hna le ralhrang phu kar ah fakngai in kahdohnak a chuak. Cu kahdohnak ah cun ralhrang phu nih hriamngan an hmancaah Demawhsu peng chung Sanpiah meng6 khua le meng 5 khua in mipi umnak inn 6 mei kang in a rawk .

Kayinni mipi ralkap phu nih September 7,zaan ah Demawhsu khua palik sakhan zong an doh tiah theih a si. The Irrawaddy (TC)P

Kawlram thawngpang.. Kabawtoe(ကေဘာတူ) hmun in ralhrang phu hna nih umhmun an khuarnak riahbuk 2 cu nizaan suimilam 4:00 hrawngah KNU, KNLA le KNDO nih an lak khawh tiah theih a si. KNU brigade 3 in Kayin mipi vengtu ralkap KNDO battalion 3 phu le KNU brigade 5 in KNLA phu hna i fonh in KNU,

Kayin hmunhma brigade 3 le brigade 5 kar Kabawtoe hmunhma in ralhrang phu hna umhmun khuarnak riahbuk cu doh in kan lak khawh tiah KNU nih a thanh.

Ralhrang phu hna umhmun riahbuk cu kahdoh in lak a si hnu ah, ralhrang phu hna nih cuka hmun pawng le KNU-Mutraw(မူေၾတာ္) pengkomh Yaymupalaw(ယယ္မူပေလာ) khua cu vanlawng in zohfelnak le checkhlatnak an tuah tiah an langhter. Source-KNU- Kachin Waves (TCP)