Joe Biden nih US-Afghan withdraw a kalpi ning a dik lo caah Afghan ramah US ralkap le Civil 14 an thi mi konga ka vun tial cang kha. Afghan Withdraw ruangah Joe Biden a mualpho ning le approval rating ah a niam ning vialte kha ka Chinpage a rel tawntu nih cun nan thei dih ko lai. Mah Afghan Withdraw a tuah mi kong le a kalpi ning kongah US media pawl nih
Joe Biden bia halnak an tuah mi kongah American tampi an lung a fak i, a hlei in ralkap a thimi chungkhar hna cu an lung a fak ngai.
Afghan-US withdraw kongah US President Joe Biden nih, mah bantuk in biakhianak ka rak tuah mi kongah ka ngaihchi lo i,
ka rian tuan ning kongah ngaithiam halding mi ka ngei lo tiin a chim. US ralkap pawl nih Afghan an chuahtak hnuah Taliban pawl nih Afghan ram chungah nawlngeinak an lak mi cu poi a ti ning a chim. Natein ka thil tuah mi kongah i ngaihchinak pakhat hman ka ngei lo, Afghan chuahtak lo in rak um hna u sih law, US ralkap a tlawm bik ah 20,000-50,000 chia than ding kan si
Afghan ka chuahtak hnuah Taliban pawl kut tangah Afghan a um mi cu poi ka ti ngai tiin a chim. Kum 20 hrawng
Afghan ram chungah US ralkap an rak um cang i, thatein i lakchuah ding mi cu a har ngai. Mah bantuk in
thil kan tuah ruangah ngaihthiam hal ding mi ka ngei lo. Natein mah bantuk in US ralkap pawl nih Afghan an chuahtak hrawng lio ah tapung pawl nih thil thalo tuah i, Airport an tuk mi kha a poi ngai mi a si. Mah bantuk in tapung pawl nih Airport ah tuk ruangah a thimi hna cu a lungthin ah an um peng tiin a chim chap.
Aluancia kum, 2021 August ah US ralkap pawl nih Afghan an chuahtak lio ah Kabul Airport kha tapung
pawl nih an tuk ruangah minung 103 an thi i, minung 143 hrawng nih hliam hma fakpi an hmuh. US
ralkap 13 le Marine 12 le Navy Medic mi hna cu a thi mi lakah an nih tel ve. Cun, US ralkap midang 18 hrawng nih hliam an tuar ve. August 31, 2021 ah United States nih Afghanistan cu an chuahtak, kum 20 chungah an rak cawlhcangnak ram Afghan an chuahtak hnu tlawmpal ah Taliban pawl nih Afghan ram cu an kut tangah an chia cawlh.
US nih a chuahtak hnuah Afghanistan nih Nihin tiang harnak, ei le ding, thil man, tangka, sianginn,
ngandamnak lei ah chim cawk lo harnak an tawn. Taliban nih nawlngeinak an lak hnuah ramdang in bawmhnak a ra mi hna cu hmang khawh lo in US nih a tuah piak hna, A poi ngai mi pakhat cu, Taliban pawl nih nawlngeinak an lak hnuah Afghan nu pawl hna cu sal bantuk in tuah an si hoi cang mi hi a si. Cred-RTK