American citizen a si mi hman nih, mi pathum lakah pakhat (one of three) nih Joe Biden nawl a chuah mi bantuk in Covid sii an nih chun lio ah, phunglam loin US ramchungah Joe Biden nih a lutter mi pawl tampi nih Joe Biden nih vaccine i chun dih u tiah a ti mi cu an duh lo i, phunglam loin US ramchungah a lut mi
Joe Biden nawl ngai duh lo in Covid sii an la duh lo tiah Breitbart nih a tial, US supreme court nih Joe Biden
nawl chuah mi, Company ngan mi ah rian a tuan mi, minung 100 nak in tamdeuh rian tuannak ah, rian tuantu
dihlak nih Covid sii nan lak dih lai tiah President Joe Biden nih nawl a chuah mi cu US supreme nih a thah piak kha. Data thar bik, CBS News nih a langter ning ahcun, phunglam loin US ramchungah a rah mi minung 10 ah pali (4 in 10) nih Covid sii an nih chun duh lo tiah a langter tiin Breitbart nih a tia. Cred-Breitbart
Kawlram thawngpang chia…DKBA Bo Sa Lung Sakhan Cu SAC Ralhrang Nih An Laak Lioah An Tlaihmi PDF (4) Hna Cu
That Hratin Taung Yin Myit Tiva Ah An Hlonh! Kayin ramkulh Myiah Wa Tyi thlanglei Lyi Kih Kaw khuapi
pawng Pha Luu Lay khua chungah Bo Sa Lung sakhan cu SAC ralhrang nih luhhnawh in an laak lioah an tlaihmi PDF (4) hna cu SAC ralhrang nih that hratin Taung Yin Myit tiva ah an hlonh tiah a luatmi PDF pakhat nih a chim. Zinglei sml 11:00 hrawngah Pha Luu Lay khua ah SAC ralhrang le mipi vengtu karlak ah kahdohnak a chuah hnuin
SAC ralhrang leikap nih hriamngan hmangin an i bawmchan pinah vanlawng zongin kahdohnak an tuah tiah theih a si.
Cucaah hriamnam thazaang aa tluk lo tikah zanlei sang sml 2:00 hrawngah DKBA Bo Sa Lung sakhan in kahdohnak a tuahtu mipi ralkap lei nih sakhan an kaltak.
An tlaihmi zat cu (8) an si hna i, minung (4) cu an thah cang hna hnuah Thailand ramchung ummi hna nih hmuh kho dingin Taung Yin Myit tiva chungah an hlon hna tiah a luatmi PDF pakhat nih a chim. Tlaih a tongmi hna hi an kutah hriamnam zeihmanh an ngei hna lo. Sakhan ah hriamnam umloin a ummi an tampi, atu i tlaih a tongmi hna hi kharkhum an tong ruangah a si tiah, PDF hna eidin a chantu pakhat nih a chim.
A liamcia Dec 15 ah Lyi Kih Kaw Khuapi Thar kahdohnak ah khan BGF phu le SAC ralhrang ralkap (15) hna cu an
nungin an tlaih hna tikah an thah hna lo pinah tha tein rawl pekin an zohkhenh hna. Anmah nih an tlaih ahcun ningcang lo tiangin an thah.
Mah hi hi an tuah tawnmi a si i, hika lei ummi lungthin ah tihnak in khat seh tiin an tuahmi a si ko tiah PDF pakhat nih a chim. DKBA Bo Sa Lung sakhan cu SAC ralhrang ralkap nih thazaang a hleihluat tiangin hmang hratin an laak lio kahdohnak chungah mipi vengtu leikap ah hliam tuarmi cheukhat an um hna tiah theih a si nain fiang tein kan theihfian rih lo. Ref: Than Lwin Khet News