Joe Biden nih US mipi hna cu Covid sii i chun ding in le Masks hmang ding in heh tiah a nawl cuamah lio ah, Texas lei in phunglam loin US ram chungah a rah mi hna cu nifatin US ram chungah an lut peng, an kar chin lengmang, Joe Biden le Vice President Kamala Harris cu border issue kongah an mualpho ngai cang.
Border Issue kong hi a hlei in Vice President Kamala Harris kut ah a um caah, US ram a kilveng kho lo tiin, Vice President a sinak in i ding seh tiin heh tiah an duh lo ning an aupi ngai kha
Mi tampi nih Covid sii i chun an duh lo, US President Joe Biden le Kamala Harris nih, phunglam loin US ram chungah a rah mi an duh duh in State kip ah
Covid test hman tuah lo in an thla/um ter hna tiin mi tampi nih an chim i, cun Covid sii a chun cang mi zong nih Covid an ngei thiam ko caah thathnemnak um lo tiin heh tiah an zai. Texas State nih, Texas Border ah a rah mi, mipem hna cu Covid test a tuah hna i, mi tampi nih Covid an ngei tiin New York Post nih a langter
Phunglam loin a rah mi sin ah Covid test an tuah hna i, Minung 7,000 hrawng nih Covid an ngei tiin New York Post nih a tial.
Atu hi phunglam loin US ram chungah rah a tim mi hi an tamtuk caah Border lei ah rian tuantu hna zong an buai tak tak tiah thei a si.
Mah phunglam loin a rah mi hna kongah Texas Cozah le Joe Biden cozah karlakah i theithiam lonak fakpi nihin tiang a um peng. Report nih a langter ning ahcun, July thla chungah US ram chungah phunglam loin a rah mi an tam ning a langter ning ahcun,
Kum 20 hnuah an tam bik caan a si lai tiin a langter. Texas Governor Abbott’s Spokesperson (bia phuantu) nih a chim ning ahcun,
Biden administration nih thei bu in le tuah hram hram i, Covid-19 zawtnak a ngei mi hna cu, Texas state chungah a thla peng caah Texas mipi caah tih a nung ngai cang, Texas state cu dirhmun thalo ah a kan chia cang tiin a chim. Cred-TheWesternJournal
Be the first to comment on "US, Texas ah um, Chinmi caah ralring bak ding si"