Covid ruangah vawlei cung ramkip heh tiah kan buai than hoi cang, Kumhnih leng si cang, natein nihin tiang Covid cu heh tiah buaipi lio a si. A hlei in US nih a tuar ngai. Covid ruangah rian phuah le economy ah heh ttiah harnak a tawn caah thawngpang a chia chin lengmang ko.Maryland Governor Lary Hogan nih a chim ning ahcun atu hi kan state zong
nih covid ruangah heh tiah buainak fakpi kan tawn than cuamah lio a si, natein lockdown cu kan nih tim ti lo tiin a chim
Hogan nih foxnews sin ah a chim ning ahcun, Lockdown tuah lo in Maryland State nih siizung ah a herh mi poah
duh poah in hmang khawh ding in supply kan tuah lai i, Cun mi tampi nih test an tuah khawhnak ding caah le taksa lei ah Covid tei khawhnak ding caah taksa thawngter tu lei rawl lei kap tu in rian kan tuan lai tiin a chim. Joe Biden zong nih fiangtein a chim cang i, Cun White House Adviser Dr. Anthony Fauci zong nih a chim cang,
Thlasik ah US nih Covid ceilak in kan tuar than lai, a damlo mi an karh lai i, a thi mi zong an karh lai tiin, Cucaah
kan mah le chungkhar caah Covid vaccine lak i zuam cio hna u sih tiin Maryland Governor Hogan zong a lungrei thei ngai ve i
mah bantuk in Covid a ngei mi an kar chin lengmang ruangah, Mah bantuk in Covid news case a tam chin lengmang caah siizung hna cu a hlan nak in 150% in kan ngan ter tiin a chim. Suimilam 24 chungah Maryland ah Covid a ngei thar mi minung 1,866 an si i, Tu thla, December ah 5.4% positivity rate a si tiin Maryland Department of Health nih alangter. Maryland Governor Hogan nih a chim than ning ahcun, atu siizung siizung ah a um mi hna lak ah 90% hi
zawtnak dang dang ruangah a um mi an si i, 10 to 15% hi Covid ruangah a um mi an si tiin a chim. Cred-Newsmax
Kawlram thawngpang….Tawngkayan(တောင်ခင်ရန်း) palik sakhan in Myinta(မြင်သား) khua ah rallam a sialtu ralhrang phu hna cu
December 19 ni zinglei ah mizapi vengtu ralkap phu Gangaw-PDF tat-khuai 18 Bu Ganung phu nih bomb puahhnawh in doh an si tiah Gangaw-PDF nih cathanh an chuah. Cathanh an chuahmi ah cun December 16, chunhnu in Gangaw peng Hnankha khua cu raltuknak vanlawng he ralhrang phu hna cu a thlah hna, December 19 zinglei ah
Tawngkayan (တောင်ခင်ရန်း) palik sakhan in Myinta (မြင်သား) khua lei ah rallam an sial lio ah Gangaw-PDF tat-khuai 18 Bu Ganung phu hna nih
bomb puahhnawh in an doh hna tiah an langhter. Ralhrang phu bomb puahhnawh in doh an ton caah ralhrang lei minung 12 hrawng an thi i, mizapi vengtu phu lei hliamtuar umlo in hnu an tolh kho tiah cu cathanh chungah cun an langhter chih. A tangmi ralhrang phu hna nih Myinta (မြင်သား) khua cu luhhnawh in khuami umnak inn khat cu meikhangh in an hrawh tiah cu cathanh chungah cun an langhter. Than Lwin Khet