US um Chin mino ralrin chin hna u sih; Covid-19 nak in tih nung deuh mi thinak. Covid-19 nak in a thimi an tam cang

Mah bantuk caan hi caan har bik le Pathian lo ah cun tei khawh lo ding mi caan a si. Mah tein tei i tim lo ding, Pathian lei ah fakpi in thlacam buin tei i timh ding.

USA mino tampi cu March in July thla chungah Covid-19 nak in Depression le overdose in a thi mi an tam deuh cang tiah Centers for Disease Control and Prevention Director Robert Redfield nih a chim

Buck Institute for Research on Aging nih interview an tuahnak ah, Redfield nih a chim mi cu, mah bantuk in rai zawtnak ruangah mino tampi cu leng an chuak kho ti lo,

tampi cu rian an ngei ti lo, rian lo in ei le ding si kho ti lo, mino tampi cu siang inn an kai ti lo, tuah ding mi an thei ti lo caah Depression an ngei thluamah tiah a chim

An lungretithei tuk caah an mah le mah an nih thah, a cheu cu sii an ei mi a tam tuk caah an thi. Tu kum 2020 ah Covid-19 nak in Depression le Overdose in a thimi mino  an tam deuh cang tiah a chim

Interview nak ah CDC director Redfield nih a chim tthan mi cu, sianginn le college on a si lo caah mino tampi cu depression an ngei i, an celh ti lo caah an mah le mah an nih tha lengmang. Mah pandemic ruangah mino tampi cu mental health lei ah fakpi in buainak an tawn tiah a chim chap. Credit- Christian Post

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor