Covid ruangah US thawngpang a chia ning fiangtein ka vun tial cang kha, a zawh mi an kar chin lengmang caah le siizung ah a lut mi an tam chin lengmang caah le ICU ah chia mi an tam chin lengmang caah thatein i ven hi pumpak kan rian a si ti thei buh in nawlngaih tein um i zuam hna u sih
Covid sii a chunh cang mi le booster a la cang mi zong an zawh tiam caah, Covid sii na lak cang zong ah
le booster na chunh cang caah hna ngam tein um ding a si lo, US sibawi Fauci nih Covid sii a la cang mi
zong a thi mi an um peng tiah a chim mi zong ka vun tial cang kha. US Centers for Disease control and prevention nih US mipi sin ah nawlnak a tuah i, mah cu, Covid le Omicron ruangah a zawh mi le a thi mi an tam chin lengmang caah nawlngai tein N95 or KN95 masks, health care workers pawl nih an hmang mi bantuk hi hmang cio hna u si tiah thawngthanhnak a tuah
Mah N95 or KN95 hna nih hi Covid lakah i vennak tha a si i, boruak a thianter i caah mah bantuk Mask hna hi
hmang khawh i zuam cio hna u sih tiah CDC nih a thawngthanhnak a tuah. Atu lio hi mah bantuk Mask hi
US supply Chain ruangah duh poah in cawk ding mi a um lo i, atu a um mi hna hi siizungah rian tuantu pawl caah usa pek an si i tiin a chim chap. Cun, Kristen Nordlund, CDC biachimnak nawlngeitu nih, Mask hmangloin um cu tu lio kan dirhmun he zoh ahcun tih nung tuk caah N95 or KN95 hmang ding mi na
ngei lo zong ah na ngei mi poah Mask kha hmang hram ko, Mask hmang lo in umnak in cun Mask zeipoah
hmang kha a tha deuh hrim ko tiin a chim, Nili Ni ah President Biden nih Mask kongah thawngthanhnak
a tuah than i, atu hi Biden Administration nih masks tha tuk mi tuah ding in timtuahnak kan ngei lio (President Joe Biden announced that his administration was planning to make “high-quality masks,” including N95s, available for free) tiin a chim. Cred-Theepochtimes
Kawlram thawngpang….Sagaing ramthen, Kawlin khuapi ah ralhrang nih mirum phaisa ngei deuh le riantuan
ding ngeitu hna cu an tlaih hna i phaisa sing 100 an hal hna i a pe mi poh cu an thlah than hna tiah khuami hna sin in theih a si.
Kum 2021 December thla thok in ralhrang nih lunghrinh mi hna le phaisa ngei deuh ah an ruah mi hna cu an tlaih hna i palik sakhan le Pemguk Zung hna ah an kal pi hna, bia an hal hna, inn in rawlchanh le thilpuan chanh cu a ngah nain inn an tin ter duh hna lo. Luat an duh ah cun ralhrang bawi hna he i ceih in phaisa an pek hnu lawng ah an thlah hna tiah theih asi.
”Sualphawt ruang ah antlaih mi maw an si ti ah an si fawn lo. An kalpi hna i rawl, changreu, thilpuan, Sii-ai
ti bantuk chanh cu a ngah. An hrem hna lo. Luat a duh mi cu ralhrang he i ceihmai a si. Kawlin khuapi chung ah um mi mirum min ngei poh cu an tlaih dih hna. Phaisa ting 50 zong in tlanh a ngah lo. Ting 100 nan kan pek lawng ah kan in thlah hna lai an ti hna. A luat mi hna zong phaisa an pek hna i a thli tein an chuah hna. A ruang um lo in an tlaih hna,” tiah Kawlin khuami pakhat nih a chim. Khit Thit Media