Mah hi a taktak in mit ah hmuhtu bak nih a chim mi a si caah a chim ning tein zeihman chap loin ka vun tial than mi a si. “USA Ah Fa Ngeih Cang Hnu” 1. Inchungkhar pakhat cu fa pahnih an ngeih hna hnu ah an i then, An fonh hna hna ii an fonh kho ti hna lo an fale cu a pa sin an um, Sianginn kai lio an si an pa cu zanlei 5pm in rian atuan ii zing lei 2am tiang a tuan tawn, Riantuan a kal hnu ah a fale cu an duh paoh
in an um tawn ii innka te hna khar lo in an um caan hi a tlawm te lo, Innpa kan si ii ka va zoh pah tawn
hna, Zingka sianginn kai lai ah an pa nih a thawh khawh lo caan a tampi ii hmaiphiah lo in
sianginn an kai tawn, An pa cu kawlholh le Hakha holh cu a thiam ko nan a fale pahnih cu kawlholh le Laiholh an thiam ti lo ii Mirang holh lawng an thiam ve, An dih lak in zarhteni / zarhpini an um ti hna hnihkhat ah hin kutzoh mittheh bak in an i chawn tawn, Ka zoh hna le ka hmuh hna ah hi kaa khuaruah hi atam tawn ii khua zaza ka ruat tawn ve.
2. Nupa hna khuahkhat cu fanu pakhat te an ngei ii an ithen ve an fanu cu an i cuh ii taza an i cuai,
An fanu cu an siang veve lo ii zarhkhat dan lengmang in nu sin um ding le pa sin um ding in an Sihnii pa nih min an thu ter hna ii an fanu te cu zarhfatin te aa thial lengmang ko.
3. Nupa hna khuahkhat cu fa pahnih an ngeih hnu ah an pa kha aa cancaan ah nungak ngeih a hmang pah tawn ii an nu nih a theih pah lengmang cu caah an nu cu a thin a hung ii hmunkhat an um ko bu ah cun an pa cu taza a cuai ii kan pa hi a zia ka zum lo atu te hin facawm nak ca ding ah tangka ka pe seh ati ii an pa nih elaw ati ii hmunkhat um ko bu ah cun facawm nak caah thlafatin tangka cu a pek ve lengmang ko Maw ka thin US ngai hi
4. Nupa hna khuahkhat cu an pa nih fanu kumhra nu te an ngeih hnu ah nungak a ngeih tak
hna ii an ithen ve hnek taza an i cuai ve ii zung ah an chuah an fanu te nih a pa a hmuh ii a va tli ii
a kuh areh ii atap, Tlawmpal ah a nu a hei zoh ve than ii a nu sin cun ava tli ii a kuh areh ii atap ve than hawi, Mah ti cun voitam nawn te aum, A chung thu mi vial te nih an hmuh cio hna tik ah an tap dih an celh cio lo, A dongh nak ah an fanu te cu duh thim nak nawl an pek na pa sin maw na nu sin ah tiah bia an hal, An fanu te cu bia a chim kho lo atap tuk” Caan sau nawn an ngan hnu ah naa thim khawh lo ah cun
na duh mi chim kun an ti than an fanu nih cun kan pathum in hmuhkhat um ti lawng ka duh ati,
Hmunkhat kan um ti lo ah cun kei mah le kei mah har nak kaa pe lai ee ati’ Cu bia cu anu le apa nih an theih tik ah an i zoh ii hlat nawn veve in an um ko nan duh sah teten an i neih ii an ikup dih hna i a nu le apa cu ngaih thiam an ihal veve ii lunglawm ten hmunkhat an an tin dih than hna, A chung um mi cu an zapi ten lunglawmh nak mitthli le lunglawmh nak kut beng pah bu cio in aa dih.Cre-Lung Nawl Mualcin