Republican le Independ cu chim lo, Atu cu Democrat a cheu (50.3%) nih Joe Biden nih a rian a tei lo tuk caah le US economy ah zeihman thil tha a tuan mi a um lo caah le thil man a kai tuk ruangah kan chungkhar a kan hrawh dih tiin an lung fak ning an langter ve cang. Republican 90 percent nih kan
chungkhar nih harnak kan tuar mi a zual tuk cang an ti i, Independents 77.8 nih US ram chungah thil man
a kai mi ruangah chungkhar nih kan tuar tuk cang tiin an chungkhar dirhmun an langter, US mirang 73.9 percent nih
kan chungkhar nih fakpi in thil man a kai caah kan tuar tiin an chim i, US minak 68.8 nih thil man kai mi hi chungkhar nih kan tuar an ti i, 68.1 percent of Hispanics zong nih yes tiin an langter ve. Nu 74.6% nih kan chungkhar nih kan tuar tiin thil man a kai ruangah an chungkhar nih harnak an tawn ning an langter i,
Pa 74.5 percent nih kan chungkhar ah harnak fakpi kan tawn tiin an langter ve, Thilman a kai mi ruangah US mipi cu
Joe Biden cungah hnabei dongh in an um i, supply Chain ruangah mi tampi nih an herh mi le an duh mi cawk ding mi tiang an hmuh kho ti lo.
US ram hi ram ropui tuk mi a si caah mah bantuk in, thil man a kai mi le supply Chain ruangah
mipi nih harnak fakpi an tawn mi hi a fak an ti ngai i, Joe Biden a duh lo mi an kar chin lengmang i, atu hi Joe Biden approval rating a niam thluamah cang caah an mah Democrat chung ah i mawhchiatnak fakpi a um cang i,
mah kongah zeitin an tawrel lai ti cu mipi nih an zoh cuamah lio mi a si, Atu hi Joe Biden nih bill a chuah pi mi
build Back Better cu Senate ah ceih ding a si, Democrat lei in Senator Manchin nih mah bantuk in US ram chungah thil man a kai tuk lio ah US ram a hrawh tu ding mi bill hi ka vote nem mam lai lo tiin a chim caah Democrat lawmaker pawl nih ceihlak in an thuat cang i, Democrat pawl chungah a linsa ngai. Senator Manchin hi Republican pawl
nih an mah lei ah lut ding in an sawm cuamah than hoi caah US thawngpang ngai a nuam chin lengmang i,
Midterm Election zong thla 11 hrawng lawng a um cang. Former President Trump nih congress le Senate ah teinak an hmuh khawhnak ding caah heh tiah campaign a tuah cuamah lio i, Joe Biden approval rating a ttum thluamah ve tikah US Midterm election cu a linsa ngai lai. Cred-Breitbart