US um Chinmi, ralring a her tuk cang. Covid thar (Delta Variant) kongah thawngthannak

Kan thei cia bantuk in covid-19 hi a thleng khawh lengmang mi a si caah vaccine sii i chun hnu zongah ralring tein um peng a her. Atu hi Covid-19 thar, a thleng mi (Delta Variant) hmu than a si.

Mah hi kai/chonh a fawi tuk mi le Covid sii a lak cang mi zong nih fawitein an kai/chonh kho mi a si. Colorado Health Official nih thawngthanhnak a tuah ning ahcun,

kan hnung zarh ah thil a si ning zoh i, a rah ding mi ah Delta Variant (Covid thar) cu State kip nih kan buaipi ding mi a si cang tiin thawngthanhnak an tuah

Nikhat nih ah, State’s Epidemiologist nih a chim ning ahcun, state chungah mi 40% nih Covid thar (Delta Variant) an ngei bantuk a si. US ram chungah mi 20% nih an ngei bantuk a si tiin a langter

Dr. Rachel Herlihy nih a chim ning ahcun, Colorado hi US state ah Covid thar (Delta Variant) a ngei hmasa bik pahnihnak an si tin a chim. A pakhatnak cu Missouri an si

Herlihy nih a chim than mi cu, Mah Covid thar (Delta Varian) hi a karh ning a rang tuk i, mah hi khuaruahhar ding mi thil zong a si lo,

aruang cu kan thei cia bantuk in Delta Variant hi a dang Covid (SARS-CoV-2 variants) nak ding kai/chonh a fawi deuh mi a si caah tiin a chim. A chim than mi cu, mah Covid thar (Delta Variant) hi kai/chonh a fawi tuk mi a si i, Covid sii naa chun loi,

mah Delta Variant hi na ngei ahcun na hoikom, Na innchungkhar sin ah fawitein na chonh khawh lengmang ko lai. Covid dang bantuk a si lo tiin a chim. Source-Foxnews

Be the first to comment on "US um Chinmi, ralring a her tuk cang. Covid thar (Delta Variant) kongah thawngthannak"

Leave a comment

Your email address will not be published.


*