A poi tak tak ko, Kumhnih leng heh tiah covid ruangah buai in kan um hnuah tlawmpang thawngpang a vun tha thang, Natein, a tu cu thawngpang thalo tuk mi kan theih than tikah a hlei in Pathian zumtu pawl kan caah caan sunglawi tuk mi Christamass le kumthar hmang khawh lo dirhmun kan phan than
President Joe Biden zong nih atu covid thar, a min ah Omicron an sak mi kongah US mipi sin ah thawngthannak a tuah cawlh i,
Ram 10 hrawng cu US ram chungah lut a nga lai lo tiin thawngthanhnak a tuah chap. President Joe Biden nih a chim ning ahcun,
a tu covid thar sining le rian tuan ning hi kan theih lo, natein a rang tuk ti lawng kan theih caah atu covid thar umnak ram poah cu US ram chungah lut a ngah lai lo tiin thawngthanhnak a tuah. Mah bantuk in South Africa in US ram chungah lut a ngah lai lo tiah thawngthannak atuah hnu bak in heh tiah soisel le thangchiat a si cawlh,
a ruang cu Covid kongah former President Trump nih China le ramdang pawl US ram chungah lut a ngah lai lo tiah
Travelled banned a rak tuah mi kha Joe Biden nih heh tiah a soisel i, thleidang a hmang mi tiin Trump kha sual an puh
Joe Biden nih a rak tuah mi kha a vun dirpi than i, atu variant thar dohnak caah American caah tha bik mi cu kan dihlak in vaccine lak hi a si tiin a chim tha. A chim than ning ahcun, Mi tampi nih freedom kongah an chim peng, a si ko,
natein mah bantuk in vaccine kan lak mi hi ram kan dawt caah a si hlei ah kan tuah ding mi kan rian pakhat a si ve tiin a chim
Atu hi covid thar Omicron ruangah Washington cu State of emergency, Dirhmun tha lo ah a um tiin an phuan i, mithiam pawl nih an chim chap ning ahcun, atu Covid vaccine voih 3 a chun cang mi zong nih mah covid thar omicron hi an ngeih lengmang ko caah mipi ralrin tein kan um a her tiin mi thiam pawl nih an chim. Source-Breitbart