US cu Covid ruangah an buai tak peng i, Kum 2020 nak in kum 2021 ah a thimi an tam deuh caah le atu hi Covid ruangah siizung a phan mi an tam peng caah, US economy nih a tuar tuk caah Biden admin pawl zong an lungreithei ngai. Atu hi Covid thar Omicron ruangah vawlei cung ramkip kan buai than tikah ram
hruaitu tampi nih zeitin dah mah hi kan tawrel lai tiah lam an kawl cuamah lio a si Dr. Anthony fauci,
White House medical Adviser le Nation Institute of Allergy and Infectious Disease Director nih
CNBC sin ah a chim ning ahcun, US ramchungah Covid vaccine a la lo mi an tam tikah, atu hi holiday Season lio a si tikah ralring tein um ding, US ramchungah party ti bantuk a tam caan a si i, Midang Vaccine alak cang ti na thei mi he cun nuam ngai in caan na hmang khawh ko, natein Vaccine a lak lo mi
he cun hmun khat ah um cu ttih nung ngai mi a si caah ralring tein um ding a si tiin a chim.Chungkhar dihlak nih
vaccine nan lak cang ahcun nuam tein caan va hmang ko u, Natein ralring tein na um peng a her
Mipi tamnak ti bantuk ah na kal tikah mask hmang kha philh hla, ralring tein um lo ahcun Omicron zawtnak hi i chawn khawh peng a si tiin a chim. Mah bantuk in ralring tein kan um lo ahcun, atu kan kal ning hi cu kan thleng than a her lai, a hlan nak in strict deuh in kan kal than a her men lai. Source-Breitbart
Kawlramt thawngpang…Chin ramkulh Mindat pengchung Wantu khualei ah ralhrang phu hna nih pehtlai in
rallam an sial caah Wantu (ဝမ္မသူး) khua le an pawnghrawng khua in Mizapi hna cu an zaam hna tiah theih a si.
Nizaan zaan ah Phayasakhan(ဘုရားစခန်း) khua ah zaan riak in aa dinmi ralhrang phu hna cu nihin zinglei ah cu ka khua thlanglei khuahrawng in an rak i thawh caah an zaam hna nak hi a si. ” A tu cu Wantu (ဝမ္မသူး) khua lei ah mizeihmanh an um ti lo. Wantu (ဝမ္မသူး) khua cu khua ngan pakhat a si i sii-inn tha a umnak zong a si
hliamhma tuar le damlo mi zong nih thlopbul nak ah an hmannak hmunhma a si na in a tu ah cun sii thilri hna
thiar in an zaamnak hmun ah an i kalpi. Cu hlan ralhrang phu an phanhlio zong ah sii-inn chung ummi sii le thilri hna cu an hrawh dih” tiah ralzaam dirhmun in ummi pakhat nih a chim. Cu ralhrang phu hna cu CDF Mindat hmunhma chungah a lutkho mi dirhmun an si caah kaphnih kar kahdohnak a fak kho tiah CDF-Mindat nih cathanh an chuah. Cre-TCP