January thawkin cu tih nung ngai lai, Ramdang nih Coronavirus an tei cuamah lio ah US nih nihin tiang a tei khawh lo, US ram chungah coronavirus ruangah a thi mi an tam chin lengmang i, kum 2020 nak in kum 2021 ah a thi mi an tam deuh cang caah Joe Biden zong a buai tak tak ve cang i, US mipi sin ah ralring nak a chim ve cang
US hi pumpak freedom an uar tuk caah mi tampi nih nihin tiang covid sii an nih chun duh lo. Mah ruangah
Joe Biden admin zong an buai ngai i, Covid sii a chun duh lo mi pawl nih Joe Biden nawl a chuah mi cu court ah taza an cuai peng i
Joe Biden a sungh peng tikah tu lio US ram dirhmun cu a tha lo ngai. President Joe Biden nih vaccine a lak duh lo mi hna sin ah ralringnak a chim i, Vaccine nan lak lo ahcun US ram chungah omicron nan karhter tuk cang lai hi tiin a chim. Vaccine a chun lo mi pawl ruangah atu khuasik caan ah heh tiah zawhnak nan karhter lai i
thinak tampi nan chuahpi te lai, nan chungkhar caah le nangmah nih caah vaccine lak dih u, Mah ti a si lo ahcun siizung zong ah umnak a um ti lai lo tiin a chim
January ah Covid thar omicron cu US ramchung dihlak ah a karh lai caah ralring tein um ding a si, Vaccine lak ahcun thinak tiang kan tawn lai lo.
January hrawng ah cun heh tiah a karh lai caah, mah zawtnak in i vennak ding caah a rangnak in Vaccine i chun u tiin a chim. Sibawi pawl nih an chim ning ahcun, Vaccine nih hin Omicron nih taksa a tei tuk ding mi le omicron zawtnak kha a tlawmter khawh tiin an chim. Biden nih a chim ning ahcun a tu vaccine a lak
cang mi pawl nih covid zawtnak an ngei thiam ko nain, Covid ruangah a thi mi an tlawm ngai cang tiin a chim
Vaccine thatein kan lak ahcun a rang khawh in sianginn tampi onh a si than lai i, cun business dawr vialte zong onh than a si lai, a biapi ngai mi cu, covid ruangah economy a chia tuk mi vialte hi thatein vaccine kan lak ahcun economic recovery than lai caah, US mipi hna, nan dihlak in nuam ngaiin nan um mi hi ka duh bik mi cu a si tiin a chim.
Joe Biden nih vaccine mandate a chuah mi cu Court nih a cohlan lo caah Joe Biden admin nih atu hi lam dang an kawl than cuamah lio a si.
Mi tampi nih Vaccine sii i chun hi a him lo tiah a zum mi an tam ngai fawn tikah Joe Biden admin ca zong ah zeitin dah mah vaccine a chun duh lo mi pawl nih vaccine an lak khawhnak ding caah an lungthin kan tei hna lai ti kongah an lungrei thei ngai ve. January ni 4 tiang vaccine a chun lo mi hna cu an rian in thawl an si lai i tiah
Joe Biden admin nih mandate an rak tuah mi cu court nih a cohlan piak hna lo i, Vaccine ruangah US lawng kan buai lo,
vawlei cung ramkip kan buai nih, mi pakhat nih a duh lo mi hram hram in vaccine lak ter hi kan rian a si lo tiin Joe Biden nawl chuah mi cu Federal Court nih a thah piak lengmang ruangah le Covid sii a chun duh lo mi tampi an um ruangah nihin tiang US nih Covid ruangah harnak fakpi a tawn cuamah lio mi hi a si. Credit-Breitbart