US ram, super power ram nih Covid a tei lo ning cu a mak tuk cang, A zawh mi le a thi mi le siizung ah a lut mi an tam chin lengmang cang ko, Presidential campaign lio ah Joe Biden nih Covid cu ka tei hrim lai tiah a rak chim, natein kumkhat former President Trump lio ah Covid ruangah a thi mi le a zawh mi nak in
Joe Biden president a tuan hnuah US mipi a zawh mi le a thi mi an tam deuh tiah source tampi nih a langter
US ram cu tih nung tuk cang, i ralring lo cun a poi tuk mi dirhmun kan phan kho peng ti thei ding.
Nikhat ni/Monday ah US ram chungah Covid /Omicron ruangah siizungah a lut mi dihlak cu 141,386 an si tiin the Washington Post nih a langter. The Washington post nih a langter ning ah cun siizungah a lut mi a tu nak in an tam chin lengmang lai tiah a langter chap
Nikhat ni ah ICU ah Covid zawhnak ruangah a lut mi dihlak cu 23,524 an si tiin U.S. Department of Health and Human Services nih a langter.
Omicron ruangah a zawh mi an tam chin lengmang i, siizungah a lut mi an tam chin lengmang lio ah
vantha in Omicron hi Delta Varian le a Covid-19 bantuk in mi tei tuk lo caah le a tu cu mi tampi nih voihnih covid sii a la mi an tam cang i, cun booster a tuah mi zong an tam caah a thi mi cu an tam tuk lio tiah source nih a langter. Source-Newsmax
Kawlram thawngpang thei nuam mi.. Loikaw khuapi chung raltuknak ah Council ralhraang 20 an thi,
a nung in pathum an tlaih hna i hriamnam le kuanzen an laak. Karenni (Kayah) ramkulh, Loikaw khuapi chung
nihin raltuknak ah Council ralhraang lei in 20 an thi, hriamnam le kuanzen an laak khawh leng ah ralhraang a zaam mi pathum a nung in an tlaih hna tiah KNDF nih an thanh. Loikaw khuapi chung Ywatanshi le Mainglon sang ah tu zing 8:00 thawk in faakpi in an i kap than. Council ralhraang pawl a thi mi le hmapu an
tam ca ah tu zaanlei 5:45 hrawng in Loikaw khua chung cu raltuknak vanlawng pahnih nih voi kua tiang an rak kah tiah theih a si.
Zaanlei sang ah ralhraang nih Mainglon sang ah inn an khangh hna. Raltuknak hmun ah KNDF ralkap pakhat a thi tiah theih a si. Tu zing ah Ralhraang Division No. 66, Battalion No. 108 in a rak zaam mi pathum cu kutcheh bomb pakhat he KNDF nih an tlaih hna i Karenni Ramkulh Palek (KPS) kut ah an ap hna tiah theih a si. Cre-THP