US um Chinmi ralring peng hna u sih, Joe Biden president a vun tuan bak in a thi mi an tam ning

US President Joe Biden biakam mi nihin tiang tlam a tling ter kho lo caah atu cu Joe Biden a rak dirkam ngai mi The New York Times bak nih a vun phomh cang. Kum 2020 Presidential race lio ah khan Joe Biden nih President ka si ahcun Covid hi ka tei cawlh lai tiin US Economy cu heh tiah ka thangcho ter lai tiah a rak chim kha.

Natein atu cu abia chim ning bantuk in zeihman a tuan kho lo caah amah a dirkam tu pawl Media zong

nih an phomh ve cang. The Times nih a tial ning ahcun, Biden nih kum 2020 ah a biakam ning bantuk in

a tlamtling ter kho ti lo tiin. Joe Biden cu US president caah biakamnak a rak tuah ni January ni 20 in nihin tiang Covid ruangah US ramchungah a thi mi cu minung 438,110 an si cang tiin New York Times nih a tial. The Times nih a langter ning ahcun, Joe Biden president a vun ttuan hnuah US ramchungah Covid ruangah athi mi cu an tam chin lengmang tiin a langter

the Times nih a langter ning ahcun, Joe Biden nih zeitin dah Covid hi kan tei lai hi, Covid dang a vun

chuak kho mi a si caah zeitin dah rampi nih Covid kan doh lai i kan tei lai tiah zeihman plan a rak ngei lo tiin a tial. Cred-Breitbart

Kawlram thawngpang….January 25 ,2022 Ralkap motor 90 hrawng in Mindat in Matupi lei a rat kai mi Council ralkap motor cu January 20 ah Matupi ralkap sakhaan an phan.Matupi peng ChanPyan (A ,B ) lei ah an kal tiah theih asi. Nizan January 24 zan ah ChanPyan(A) ah Haltu khua a kal mi council ralkap le CDF-Matupi kar kah doh nak achuah. Kaphnih thil sining cu MVM nih a fiangh tel rih lo.

Matupi – Mindat lam Chanpyan (A,B) khua chung ah council ralkap nih mipi eiding le hnipuan cu an lak

ruang ah mipi pawl um nak kan ngei lo tiah khuami sin in kan theih.(Ref:Matupi Cele) CBN

= Sagaing ramṭhen, Walat peng nihin January 25, zinglei suimilam 10:15 ah Phawng-dai phu nih bomb lung 2 he ralhrang hna cu an doh hna caah ralhrang pakhat a thi, tiah theih a si. January 23, zinglei suimilam 10:12 zong ah Sagaing ramṭhen, Myaung pengchung a lutmi ralhrang phu hna cu mizapi vengtu ralkap phufonh nih an kahdoh hna caah ralhrang minung 2 an thi.

Cu kahdohnak cu 11 Brothers Revolution Forces hruainak in tuah a si i, Myaung peng mizapi vengtu

ralkap le 27 Revolution Forces Myinchain phufonh nih kahdohnak cu an tuah, tiah theih a si.

January 24, zaan suimilam 8:00 ah Mandalay ramṭhen, Patheingyi  peng le Mataya peng aa tonnak hmun pawng ah ralhrang motor 2 cu bomb puahhnawh an tong i kahdohnak thawng zong kan theih, tiah khua mi nih an chim. “Zaan suimilam 8:30 hrawng ah si lai, ralhrang motor 2 bomb puahhnawh an tong, kahdohnak thawng zong meng 4 in aa hlatnak hmun in kan theih, motor pakhat cu an kahmi cu am

khen caah a thi mi zong an um kho, zaan a si caah kan zoh ngam lo,” tiah khua mi pakhat nih a chim.

Magway ramṭhen, Saetoetaya  peng Takagyin  khua nitlaklei ah hmunhma zohfelnak a tuahtu ralhrang phu hna le mizapi vengtu phufonh; Magway brigade 1 karlak ah nizan January 24 chun suimilam 12:00 luan hrawng ah kahdohnak a chuak i ralhrang phu lei in minung 6 an thi, minung 10 leng nih hliamhma an tuar lengah an hriamthil le kuan hna cu mizapi ralkap nih an lak khawh tiah theih a si. Credit: The Chin Post