Meithal hmangin i tha/ i kah ti a tam chin lengamng. Kum 2021 ah meithal in i kap ruangah a thi mi cazing langter a si. US hi super power a si caah mi tampi nih kal an duh i, US ah um an duh, zungzal in kan nung lai lo, kan thi caan a phan te lai, natein US ah um hi cu tih a nung deuh tiah mi tampi nih an rak chim tawn mi a si.
Aruang cu US hi cu i thahnak ti bantuk a tam tuk i, atu cu mi vialte nih pumpak in hriamnam ngei dih a si cang
caah midang he i al sual ahcun meithal hmang in i thah lengmang a si ko caah tih nung tak tak an ti tawn
Cucaah midang he i sik, bia i al ti bantuk hi hrial i zuam peng hna u sih. US mipi nih meithal an uar tuk i, meithal hi mah le i vennak/self defense a si tiin nihin tiang an dirkam i. US ramchungah meithal a tam tuk ruangah atu cu an mah minung lilah nih harnak fakpi an tawn cang. December Ni 31 tiang United State of America ah meithal i kahnak ruangah
a thi mi cazing an langter ning ahcun, minung 691 an si. Kum 2013 in kum 2021 tiang, US ramchungah
meithal i kahnak ruangah a thi mi zat cu an dihlak in 44,750 an si cang. An tam tak tak tinak si
Mah aa thi mi lakah minung 1,533 cu kumtling lo ngakchia an si. Cun, meithal i kah ruangah a thi lo mi, hma fakpi a hmuh mi dihlak cu minung 40,359, an si i, Kumtling lo ngakchia hi minung 4,107 an si. American mipi nih meithal hi an uar chin lengmang i, Source nih alangter ning ahcun, Januar nikhat in November tiang,
US ramchungah meithal 17 million an zuar tiin Federal Bureau of Investigation nih a langter. Cred-RTK
Kawlram thawngpang… Min Aung Hliang te phu nih ralkap thar phaisa ting 30 pek ding in an kawl cuahmah hna.
Kawl ralhrang Min Aung Hlaing te pawl nih ralkap thar a thli tein an kawl cuahmah hna. Cu a thli in mi thar an kawlnak thawngpang cu mipi theih in a hung chuak hoi. Min Aung Hlaing te pawl nih ralkap thar an kalnak cu ralkap thar ah a hung lut mi poh phaisa ting 30 bak pek colh nan si lai tiin an kawl hna. Cucu khua kip ah a thli tein mi kha an soilem hna tiah theih a si.
Min Aung Hlaing te phu nihhin Vanlong lei ralkap thar a hung lutmi caah phaisa ting 15, ti lei ralkap thar a hung
lutmi caah phaisa ting 20 le ke lei ralkap in a hung lut tharmi caah phaisa ting 30 pek nan si lai tiah mi an soilem hna.
Nay Pyi Taw in Min Aung Hliang te pawl nih hmunkip ah an chiah mi hna ralhrang bawi pawl kha mithar kawl ding in an fial hna. Mithar a kawl khomi poh an reng thluahmah i mithar a kawl kho lomi poh meeting ah an sik hna tiah anmah ralkap bawi chung thilcang kha min langhter a duh lomi ralbawi pakhat nih a chim.
Min Aung Hlaing te phu hi a thimi an tamtuk cang. Hliam a tuarmi an tamtuk cang ruang ah ralhrang milu an zor tuk cang i phaisa pek ding in mi an soilem nak hi a si lai tiah ruah a si.
Min Aung Hlaing nih uknak a lak hnu ah ralkap a zammi tampi an um. Palik a zammi tampi zong an um hna. Raltuknak hmun ah tampi an thi i tampi hliam an tuar hna. Ralhrang phu an milu a zor tuk cang. Cu ruang ah ralhrang bawi pawl an thinphang cang i mithar an kawl. Mi thar an kawl i an hmuh lo ahcun hramhram loin mi an hnuh te hna lai timi zong a fiang. Cred-Thechin11news