US um, Chinmi zong tuah cio hna u sih. Covid sii sertu Pfizer nih thil sining a chim cang.

Covid ruangah vawlei cung kan buai ning le mikip kan lungreithei ning cu chim cawlh si ti lo, rian thatein tuan kho lo in, inn chungah i er in caan kan hmang nak ah chungkhar hman zohkhen khawh lo in mi tampi kan um cang. Atu hi Covid le Omicron nih vawlei cung ramkip a kan buai ther than hoi caah zeitin dah khua kan sak lai ti kongah lungreithei ngai a si.

US company, covid sii a sertu pa, The chief executive of Pfizer nih TV station BFM TV ah a chim ning ahcun,

atu vawlei cung ramkip nih kan buaipi mi Covid hi caan saupi kan vawlei cungah hin a um peng ding a si,

Cucaah kan mah cio nih zeitindah mah Covid in kan nih kham khawh hna lai ti cu lam kawl cio a her cang tiin a chim. Pfizer CEO Albert Bourla nih BFM TV sin ah a chim than ning ahcun, Covid hi caan saupi a um ding si caah kan fa le zong nih Covid sii chun hi an caah atha, Atu Covid sii kan ser mi hi ngakchia ca zong ah a him i, an caah tihnungnak um lo tiin a chim. Cred-Newsmax

Covid ruangah US ramchungah a zawhmi le a thi mi cu kum 2020 nak in an tam deuh cang i, US mipi nih former president Trump,

President a tuan lio ah a rian tuan ning a that lo tiah an duh lo ngai i, China in US ramchungah a lut mi hna kha a siang hna lo

Democrat pawl nih mi thleidang na hmang, Mah bantuk lungput hi fih nung tuk mi a si tiah heh tiah an soisel i, an phomh kha. Presidential race lio ah Joe Biden nih keimah President ka si ahcun, ramdang in US ramchungah a ra mi hna lam ka phih piak hna lai lo tiah a rak chim. Natein South African in

Omicrcon a vun chuak ti a thei bak in ram 9 hna cu US ramchung lut khawh lo ding in a tuah bak hna

Trump nih China ramin, US ram chungah lut a ngah ri lo tiah a rak phih lio ah Trump a soisel tu hna kha, Joe Biden nih Afrian ram in US ramchungah lut a nga lo tiah a rak ti bak in daitein an um i, zeihman an holh duh lo caah liberal Media pawl hna kha mipi nih TV zong si seh, an catial mi zong an rel duh bak ti lo caah a zoh mi le a

rel mi an tlawm ngai cang. Cun Joe biden nih Covid ka tei lai i, US economy ka thangter lai tiah a rak chim.

Natein Covid tei cu chim lo, Joe Biden admin hman nih zeitin dah Covid kong hi kan tawrel lai ti thatein planning hman an rak ngei lo caah Zahan zan ah Arizona ah Trump nih Save America rallies a ngeinak ah Joe Biden bia chim ning bantuk in Covid ka tei lai, kha e, cu e tiah na chim lo maw tiah zeirel lo ngaiin mipi hmaiah Joe Biden a phomh