Russia nih Ukraine a tuk ruangah US nih Russia oil le Gas cawk a tim ti lo, US ram chungah gas le oil man a fak chin lengmang caah US nih lam dang a kawl ve cang i, UAE & Saudi Arabia ram he pehtlaihnak tuah ding in US nih lam a kawl cuamah lio a si. NATO/UE pawl kar lakah i thei thiam lonak zong a chuak ve cang. West ram pawl tampi nih Russia gas le oil an blocked thluamah cang i, Natein Germany le Nerthaland nih an duh lo.
Mah bantuk in West pawl nih Russia cungah cawlhcangnak an tuah ruangah Russia nih West ram a si ve
mi Germany cu fakpi in a tlerh ve cang. A hlan ah Russia nih heh tiah dangtatnak fakpi a rak tuah mi
Venezuela cu US nih heh tiah i remnak ngei than ding in lam kawl lio a si. Venezuala Dictator Murado cozah cu US officials pawl nih heh tiah bia ruatinak ngei ding in Venezuala ah an um li a si. Biden nih American lobbyists, Norwegian diplomats & international oil executives pawl hmangin Murado cozah lawmter an nih tim lio a si. Venezuela hi US cozah nih fakpi in sanction a tuah lio mi a si caah US nih Venezuala Dictator Murado lung a lawmter kho lai maw ti cu
vawleicung ramkip nih an zoh cuamah lio mi a si. Atu hi Germany, Britain le The Netherlands nih
Russian energy an lak tawn mi cu an dawngter kho lo, a ruang cu hmun dangin energy import nak ding an ngei lo caah. Cred-RTK
MAH thawngpang……SAC Chairman Min Aung Hlaing cu Covid in a zawt caah mizapi hmaika ah a langh ti lo nak a si, tiah Zumhtlak a si mi Naypyidaw thawngpang chirhchan in Mizzima nih a ṭial. Febuary 27 ah Naypyidaw Detking Thiri peng puai pakhat a kal hnu in atu tiang mizapi sin in Min Aung Hlaing cu a tlau. Mizapi hmaika in a tlau hlan deuh ah a tai a fak i cu hnu
ah Covid in a zawt caah a inn ah Quarantine in an chiah i Office rian zong a ṭuan kho lo, tiah theih a si.
Kum 65 upa cang mi SAC lutlai Min Aung Hlaing cu a tai a fah lengmang mi hi tai(tawkawng) cancer a
ngeih caah si tiah biachokvai a chuak nain “Cancer ka ngei lo” tiah amah nih a chim i SAC zong nih Min Aung Hlaing ngandamnak kongkau thanh an duh lo, tiah theih asi. Min Aung Hlaing hi Russia nih pekmi Covid raikhamsii le Booster dose zong ai chun ko cang nain Covid an test i Positive a si ṭhiam. Naypyidaw khuapi chung ah Omicron zawtnak a karh ngai i SAC chungtel upa cheukhat zong an i chawnh len, tiah theih a si.
Interior Ministry i Duh- Vuanci le Palek Bawizik chang si mi Than Hlaing zong March 1-4 tiang kha Cambodia ram i tuahmi
A Voi 40nak ASEAN Palek bawi pawl tonnak ah a va kal i, a positive ve caah Quarantine in an chiah ve, tiah theih a si.
= CNA/CNF hmunhma chung ah a luancia February 27 in March 7 tiang Chin mizapi vengtu ralkap le SAC ralkap kar ah voi 18 tiang kahdohnak a chuak i, cu kahdohnak chung ah cun SAC ralkap lei in minung 80 leng an thi. Chin mizapi vengtu ralkap phu lei in minung 4 nih ram le miphun caah an nunnak an pek.
Chin ramkulh Falam in Hakha lei ah riahcaw phor in a kal mi SAC ralkap motor 27, tank 2 le minung
thazaang 200 hrawng cu lampi ah voi 15 kah an si, hi chung ah hin SAC ralkap 70 hrawng an thi. Mizapi vengtu ralkap CNA in minung 3 le CNDF in minung pakhat tiin an dihlak minung 4 an nunnak a liam. Cu kahdohnak ah cun Chin ralkap CNA, CNDF le CDF-Hakha phufonh hna nih an kahdoh hna. Cun, Chin ramkulh Falam peng no.2 India-Myanmar lampi ah cawlcanghnak a tuahtu SAC ralkap phu
hna le CNA, mizapi vengtu ralkap phufonh kar kahdohnak a chuak i, cu kahdohnak ah cun SAC ralkap in
minung 8 hrawng an thi. Mizapi vengtu ralkap phufonh lei hliamhma tuar an um lo. Cu kahdohnak ah cun Chin National Army(CNA), Chin National Defense Force (CNDF), People Defence Force- Zoland(PDF-Zoland), Civic Defense Militia (CDM-Siyin), CDF-Hualngoram phufonh hna an i tel, tiah Chin National Front nih cathanh an chuah. Cre-TCP