Coronavirus nih kan vawlei ram a hnahnawh kho ning le mi tampi nunnak a lak cang ning zoh ah cun hna a ngam kho hrim lo. Pathian i bohchan dah ti lo cun minung lei cun zeihman tuah khawh a si ti lo. Coronavirus ruangah a dam tthan mi zong an zawt than lengmang. Atutiang Coronavirus ruangah a a zawtmi cu 1,015,728 an phan cang i a thimi hi 53203 an si cang i. A damthan mi hi 212991 an si cang
USA dirhmun kan zoh ah cun ngaihchiat bak si cang. Coronavirus ruangah a zawtmi tambik na ram a si cang. Atu hi 245088 an phan cang. Athimi zat hi 6075 an si cang. A dam than mi zat hi 10403 an si.
Ramdang nih coronavirus zawtnak ruangah an tawn bal lo mi cu USA ram chungah a phan cang. Connecticut hngakchia thla 6 a si lio mi cu coronavirus ruangah a thi ve cang i, mah hi coronavirus ruangah a thimi lakah hngakchia bik a si. Connecticut Gov. Ned Lamont nih mah hngakchia hi nithum ni (Wednesday) ah khan a thi tiin a chim. Mah hngakchia hi coronavirus zawtnak a ngei hlan ah chunglei ah zeihman zawtnak a ngei lo tiah theih a si.
Be the first to comment on "USA a poi chin lengmang cang, Coronavirus ruangah ramdang ah mah bantuk hngakchia cungah thihnak a um bal lo mi cu USA cun a um cang"