USA ah um Chinmi caah thawngpang a chia tak tak. lungreithei tuk in kan um

A thi hlan ah Covid hi lih maw tiah a rak zum mi pa cu Covid ruangah a thi cang. Coronavirus kongah thilmak tampi Mah page ah  voi tampi kan post cang. America ah hin Lockdown, Social Distancing le face mask hmang duh lo pawl, a doh mi pawl an um.

Mah bantuk in a doh mi pawl ah hin Trump supporter tampi an nih tel ve. Mi tampi nih cun Coronavirus hi zei ah an rel lo. Tih nung mi zawtnak a si ti hi an zum lo. USA cozah nih siangin awn ding in fakpi in a timtuahnak a ngei fawn. Economy a tla tuk ruangah Economy zong awn a si cang. Mah bantuk a si lio ah President rian ttuan ti hawi le hna cu coranavirus an ngei thluamah fawn.

Mah bantuk a si lio ah siang hngakchia dang nih  “Corona party”  an throw pa, positive hmasabik si ding in i zuamnak tiang an tuah. Corona party ah a tel ve mi cu a positive ti thei a si cangka in siizungah chia a si. Siizungah chia a si hnuah a thi.

Athi hlanah bia a chim mi cu Coronavirus an ti mi hi a hman mi pei a rak si ko hi ta. Lih a si hla maw ka rak ti tawn. Atu cu atak tak a si cang ko, tiah a chim. Ahnuah a thi cawlh. A thi hlan, mah bia a chim lio ah a chungkhar nih video in an record.

Siang inn saya le sayamah hna, Siang inn awn cang hna u si tiah fakpi in cozah sin ah nawlnak a tuah mi hna cu siang inn an kai hnuah an positive ti thei a si. Siizungah an chia hnuah an nuva in an thi. Positive pakhat mino a si mi nih, Coronavirus hi ka thipi lai ka zum lo riah a rak chim hnuah positive a si ti thei a si i, siizungah an chia hnuah a thi

Thawngpang tha thei ding a um kho hrim lo, mah bantuk in a si lio ah siang inn awn si cang seh tiah President Trump nih a ti. State tampi ah siang inn awn a si cang. Natein State dangah cun governor nih Siang inn cu awn lo in um rih ko hna u sih, Coronavirus hi a kar lengmang khawh mi a si caah an ti.

Mah bantuk in Siang inn a awn duh lo mi State Governor hna cu President Trump nih bawmhna kan pek tawn mi kan pek ti lai lo tiah a tler fawn hna. Mi tampi nu le pa cu lungrei thei ngai in an um lio a si tiah thei a si. Credit- USA TODAY, FOX5, BUSINESS INSIDER UK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor