USA ah um Chinmi kha ralrin cang hna u si: A rah ding mi ni 11 chung hi USA caah caan chia bik a si lai; A ruang cu- Surgeon General

USA ah um Chinmi ralrin tein um i zuam  hna u si, Italy le Spain kong cu kan theih dih, a thimi an tam ning le a damlomi an kar ning. USA zong daithlang tein um ngam a si ti lo. Coronavirus case ah pakhatnak a si cang. A kar chin lengmang, a kar ning a rang tuk cang caah ttih nung tuk cang. New York khualipi cu GHOST CITY ti a si cang. Vawlei ah khualipi nuam le mi nih kal an duh tuk nak hmun le khualtlawng tambik nak New York Apartment  cu a lawng  thluamah cang.

The University of Washington’s Institute for Health, in Metrics model nih graphic ning ah cun a rah ding mi ni 11 chung cu America caah caan chia bik a si lai ti a si. Hospital ihkhun 262,092 le ICU 39,727 an her chap lai tiah  a ti. President Trump zong nih America mipi hna cu ralrin tein um ding in a ti cang hna. Graph an chia mi ah hin New York ah ni 1 ah 885 hrawng an thi lai i, mah nak in a tam lai tiah zum a si.

Illinois ah 3,386 hrawng an thi lai tiah zum a si. A chia bik caan (peak days) hi ni 15 hrawng a si lai ti a si. Mah peak Day ah hin US ramchungah suimilam 24 chung in mi 2,644 an thi lai tiah zum ah si . Mah Peak days lio ah hin US nih ihkhun 262,092 sizung nih an her lai tiah zum a si. Researchers pawl nih cun April chungah minung 100,000 an thi lai tiah an rak zum. The White House nih US ramchungah 100,000 – 240,000 an thi lai tiah an zum.

Jerome Adams, the U.S. Surgeon General nih a chim ning ah cun zarthum a rah ding mi hi USA caah cun “It will be our another PEARL HARBOR” he atachun cang.. “This is going to be the hardest and the saddest week of most Americans’ lives, quite frankly. This is going to be our Pearl Harbor moment, our 9/11 moment – only it’s not going to be localized, it’s going to be happening all over the country. And I want America to understand that”

NBC’s Meet the Press Sunday morning ah Adams nih a chim ning ah cun atu America mipi nih caan chia bik an tonh nak cang a si lai tiin a chim. University of Washington’s Institute for Health Metrics te pawl nih graph anlangter ning ah cun April 16 hrawng hi America nih Coronavirus Peak days an tonhnak caan a si lai tiin a chim. President Trump zong weekly coronavirus press briefing Sunday, a hmuh ding a um lo. Arkansas, Iowa, Nebraska, North Dakota, & South Dakota ah atu tiang Lockdown an tuah lo. America nih thatein Lockdown an tuah lo ah cun fakpi in mah zawtnak nih an ram chungah harnak a chuah pi lai.