USA ah um Senior Pastor nih Covid ruangah mual a kan liam tak; Covid a ngei ning kong

Careltu nulepa ulenau hna, Myanmar Zomi Baptist Church, Tulsa ah Senior Pastor a tuan liomi Rev. Dr. Thawng Khan Cin (kum 68) cu Covid-19 zawtnak in June 19, 2020 ni ah mual a liam tiah thawng kan theih. Rev. Dr. Thawng Khan Cin cu Chin Baptist Convention (hlan lio ZBC) ah Assistant General Secretary zong a rak ttuan balmi Laimi Khrihfabu hruaitu pakhat a si.

Indiana Siyin Baptist Church ah Senior Pastor a tuan liomi Rev. Dr. Vungh Lian nih a chimnak ah: Rev. Dr. Thawng Khan Cin cu kan hnulei Tulsa khua ah Covid-19 in a thimi nu ruak a humhnak (memorial service program) i caan a hmannak ah,

Covid-19 in a zaw vemi caantlaitu nih a tlaihmi mic a tlaih ve nakin zawtnak aa ton hi a si. A nupi Sayama Florence Pau zong a chawnh chin i, a nupi cu a tu hi siizung ICU ah an hramh lio a si.

Chin Pastor chung in Covid-19 in a thi hmasabik a si ca ah ngaih a chia khun, thinlung zong a faak khun ko. Taantaakmi chungkhar le khrihfabu ca ah siseh, ahlei in ICU ah an hramh liomi a nupi Sayama Florence Pau ca ah siseh thlacamnak in bawm cio hna u sih. Ngaihchiatpi bu in, Lal Cung Awi. Pastor. Indiana Chin Baptist Church

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor