USA buainak a daih cang, President Trump nih thil sunglawi tuk mi a tuah cang

Tu lio minak pakhat Floyd thi ruangah USA buai ning cu thei dih a si, minak an sual ning le an lungput cu a vun fiang ngai cang. Cu lio ah minak chungah mitha le mifel tampi an um ve ti a vun lang tthan. Mah bantuk in USA ram chung a buai lio ah Democrat/Left wing pawl nih President Trump ruangah tiin President Trump cu a chia khoh chungin an soisel thangchiat. Mi tampi nih Democrat pawl an sual ning an vun thei chap lengmang tikah tu kum November 2 Presidential Election cu boruak a sang ngai lai ti khoh si

America ramchung buainak Black Life Matters ruangah minak le left wing pawl an thil tuah ning cu a vun dai thluamah ve cang. Washington DC lei ah National Guard, President Trump nih a kuat mi hna cu an umnak ah an kir tthan ve cang.

President Trump nih a chim ning ah cun, “Tu cu boruak a dai ngai cang i, thawngpang chia thei ding mi a um ti lo, National Security pawl zong an umnak hmun lei ah an kir tthan cang. Natein buainak a vun chuah tthan ah cung zeitik poah timcia in an um peng” tiin twitter ah a chim

New York City zong boruak a tha ngai cang, Nikhat ni (monday) ah Carfew phih tim mi cu, Mayor Bill De Blasio ah Zarpi (Sunday) ah a dongter. The District Columbia zong nih National Guard pawl au an her ti lo tiin a chim. Brooklyn Bridge-Manhattan, Washington square Park- Greenwich Village ah mipi tampi an chuak. Minung 40 leng an tlaih hna. New York ah Protester pawl ruangah Coronavirus testing 15 site an chap lai tiah Governor Andrew Cuomo nih a chim. Credit- President Twitter and Fox News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA buainak a daih cang, President Trump nih thil sunglawi tuk mi a tuah cang"

Leave a comment

Your email address will not be published.


*