USA Chinmi tamnak cu thawngpang a chia tak tak. A poi chin lengmang ko

Dallas County ah Covid-19 zawtnak a karh taktak. Tuni ah Dallas county nih thawng a thanhnak ah Covid-19 a zawmi nikhat ah minung 571 an si, cun minung pakhat a thi ti a si. Atutiang ah Covid-19 in azawmi hi minung 20000 leng an si cang, cu lakah minung 352 hi Covid-19 zawtnak ruangah an thi cang ti asi.

Dallas ah siizungpi 25 nih theihternak an tuah. Covid-19 mizaw zohkhennak caah ihkhung hi 71 % cu mizaw an khat cang, cun thawpeknakset hi mizaw hna caah a ummi dihlak i 36% hman cuahmah lio asi, ICU ihkhung hi a um mi dihlak i 74 % cu mizaw nih hmunhma an lak cang ti asi.

Cucaah lungretheih le thinphang pah cio asi. Acozah nih chawlehthalnak a vun on hnu in a zual lei ah kan phan than. Texas zong New York bantukin Covid-19 nih a kan den tak ahcun thihnak le zawtfahnak tamtuk kan ton ve sual lai ti phang cio asi. Abikin thinphang mi cu siizung ah minung itlum lo ding hi phang bikmi cu asi.

“ Acozah nih chawlehthalnak a on mi hi Covid-19 zawtnak in kan him rih lo tiin an theih ko nain an on ko—a ruang cu tax in phaisa hmuh an duh, acozah revenue kaiter an duh, sipuaizi deuh in khua an khan , uktu pawl hi an nih cu phaisa ngei deuh le humhim tein riantuan kho dirhmun ah an um, sihmanhsehlaw mipi zapizarang cu zawtnak rungrul tamnak hmun le hma ah kan um kan kal, rian kan tuan.

Abiapimi cu acozah le uktu nakin mipi khua kan ruah khawh deuh a hau cang” tiin Anna nih nizan phone in bia kan iruahnak ah a ka chim.A chimmi hi a hman tiin ka ruah ve.

Hmaihuh hi mah zawtnak in ikilvennak caah a tha cem asi rih. Cucaah hmaihuh ihuh le kut itawl zong daitlang hrim hna hlah usih. Ilenkai hrim cu hrial cio rih ko hna usih.

Dallas county um le Denton County um hna nih hmaihuh a herhmi hna nih Salai Shwe Cung Lian , phone: 4695127302 siloah Salai Lian : 214-309-6570 ah pehtlaihnak kan tuah te ulaw , nan inn ah free (alakin) kan rak in pek hna lai. Ka lawm. Credit- Salai ZT Lian

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor