USA, Chinmi tampi umnak state cu thawngpang a chia tuk cang; Ralrin lo ah cun

Covid -19 ruangah USA cu a buai chin lengamng cang i, USA minung 100 ah minung pakhat nih Coronavirus angei bantuk an si cang. Mah bantuk in Coronavirus ruangah an buai in khuaci a muai lio ah Sianginn awn ding mi cu nu le pa tampi nih an tih ngai mi a si

USA ah Chinmi tampi umnak Texas cu thawngpang a chia chin lengmang cang i, mi tampi nih an chim ning ah cun Sunami mit ah hmuh khawh lo mi a si cang tiin, Texas nih a tuar ning cu an chim. Mah bantuk in Texas state chungah a damlo mi an kar tuk caah Texas Governor zong a buai tuk cang

Texas Governor hi Republican a si i, a hlan ah lockdwon a rak tuah duh lo mi a si ve. Tu cu a zawt mi an tam tuk cang caah President Trump nawl ngai duh ti lo in Texas state chungah Trump nih tuah ding mi a ti mi poah cu a tuah duh ti lo

Winston Texas siizung cu a zawtmi chianak hmunhma a um ti lo caah Covid ruangah a zawtmih tampi cu waiting room ah an chia cang hna. Covid ruangah mithi an tam tuk cang caah mithi chianak inn a khat dih cang i, Siizung lengah Truck a chungah refrigerator chia khawh mi cu an chia cang. Mah Truck chung ah Refrigerator an chiami chungah cun mitthi hna cu chia an si cang. Source- Texas Tribune & ABS News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor