President Trump a vanchiat kho ning hi cu a mak tak tak. A rian ttuanti hawi le nih a mualpho nak ding lawngtein in an raktuah tawn bantuk in a rian ttuan ti hawi,Scientist Dr. Antonym sii lei in Trump nih a zum ngai mi le adviser pakhat caah a rak thim mi nih a mualpho ter ve hoi cang.
US-ah COVID-19 zawtnak ruangah mi 22,115 an thi cang. A damlo mi hi 560,433 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si.
Dr. Fauci hi epidemic lei ah minthang ngai mi, a hlanzongah USA ah AIDS epidemic hlawhtling ngain a rak contain tawn mi nih atu cu Trump soisel lo in a um kho ti loi. Atu bantuk dirhmun kan phan mi hi Trump cozah nih a hlan in rian a rak ttuan lo caah a si tiin a chim. Dr. Fauci nih Trump hi daicang ti khawhnak nawl ka ngei ttung lo i pawi tak tak tiin a rak chim.
President Trump nih Dr. Fauci hi a rian in dinter a her lai tiah social media ah a rak post cang mi cu a post tthan. Mi tampi nih Coronavirus kongah Trump cu warning pek a rak si cang i, natein Trump zeihman ah a rel lo caah a tu bantuk dirhmun kan phan tiah an ti. Natein Trump nih cu bantuk memo cu ka hmuh bal lo tiah a ti tthan.
Be the first to comment on "USA cu khuaci amui taktak ko ee!!! President nih a bohchantuk mi le Sii lei ah advisor a si mi Dr. Antony Fauci he Coronavirus kongah an buai cang"