New York City Governor Andrew Cuomo bia chim mi cu zaangfah tuk a si, mipi zong an hrut tuk cang, mah bantuk in a thimi an tam lio ah nawl ngai loin um peng cu. A thimi an tam tuk cang. US-ah COVID-19 zawtnak ruangah mi 20,649 an thi cang. A damlo mi hi 535,173 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si.
New York City ah a thimi zat cu 8627 an si cang i, a damlo mi zat cu 181,144 an phan cang. New York City hi vawlei cungah khualipi nuam tuk mi, khualtlawng pawl nih kal an duh bik na hmun a si. Natein atu cu Ghost town tiin au a si cang.
Mah bantuk hi an dirhmun a si cang caa, New York City ah Governor Andrew Cuomo cu a beidawng tuk cang i, a celh ti lo caah mipi sin ah a lungtlinlonak bia a chim cang. USA mipi nih nawl an ngai lo tuk i, social distancing an zulh duh lo tuk caah, USA mipi sin ah a lungdawntuk ning langternak caah
“Atu bantuk in thihnak kan tawn mi hi a dawnnak a si lo, a hramthawk lawng a si, a dawnnak zong si lo, a dawnnak hi a hramthawknak zong a si kho” tiin New York khualipi ah cu C-19 ruangah mi tampi an thi karah mah bia hi a chim
Be the first to comment on "USA cu zaangfah a si tuk cang. New York City Governor Andrew Cuomo cu a hnabei donghtuk cang caah mipi sin ah a lungtlinlonak bia a chim cang ko"